Iniciatiwnicy chcedźa klětu nalěto serbski předparlament wolić

Budyšin/Slepo (SN/JaW). Iniciatiwa za demokratisce legitimowane serbske ludowe zastupnistwo „Serbski sejm“ dźěła dale zaměrnje na zwoprawdźenju swojeho projekta, tak mjenowany Serbski parlament wutworić. Kaž iniciatiwa informuje, chcedźa hižo přichodny tydźeń štwórtk w Slepom na medijowej konferency dalše kročele do směra na wólby „předparlamenta serbskeho luda“ zjawnosći předstajić.