Brigada předstaji program
Budyšin/Chrósćicy. Chór, rejwanska skupina a instrumentalisća 1. serbskeje kulturneje brigady přeprošeja wutrobnje na nazymski program sobotu, 28. oktobra, w 17 hodź. na žurlu Budyskeje piwarnje a njedźelu, 29. oktobra, w 15.30 hodź. na Chróšćansku Krawčikec žurlu. Wot 14.30 hodź. poskića kofej. Na wopytowarjow čaka po tym program spěwow a rejow kaž tež hudźenje na tradicionalnych serbskich instrumentach. Cyłkowny nawod změje Friedemann Böhme.
Lipa dwójce koncertuje
Haslow. Składnostnje 110lětneho wobstaća wuhotuje chór Lipa jutře w 19.30 hodź. wosebity nazymski koncert na Bizoldec žurli w Haslowje. Programej přizamknu so reje z kapału Con-takt. Samsny koncert předstaja Lipjenjo njedźelu, 5. nowembra, we Wojerowskim wobydlerskim centrumje, Kulturnej fabrice, na Piwarskej hasy 1.
Hosćo radlubje witani