Budyske pomniki dźěl mjezynarodneho projekta

Mittwoch, 14. März 2018
Artikel bewerten
(0 Stimmen)
Dr. Annalena Schmidt (5. wotlěwa) je we wobłuku projekta „Memory walk“ sku pinje šulerjow kopolaki w Budyšinje rozłožiła.  Foto: Carmen Schumann Dr. Annalena Schmidt (5. wotlěwa) je we wobłuku projekta „Memory walk“ sku pinje šulerjow kopolaki w Budyšinje rozłožiła. Foto: Carmen Schumann

Budyšin (SN/bn). Cyłkownje 16 pólskich, čěskich, němskich a serbskich młodostnych – wšitcy su šulerjo w Budyšinje, Liberecu resp. Bolesławiecu – je so minjeny kónc tydźenja na třidnjowskej dźěłarničce kulturje wopominanja wěnowało. We wobłuku projekta „Memory walk“, wuwiteho wot nižozemskeho towarstwa Dom Anny Frank, organizowaneho wot čěskeho zwjazka Antikomplex a spěchowaneho wot załožby Visegrad Fund, diskutowachu woni w Budyskim Kamjentnym domje wo tym, kajku wažnosć a hódnotu wopomnišća, pomniki a historiske objekty dźensa maja a kak měli towaršnosće ze stawiznow wuknyć. ­Konkretny zaměr zetkanja bě, zo šulerjo po skupinach wěste materielne swědki 20. lětstotka w Budyšinje přepytuja a so pasantow prašeja, što k jednotliwym pomnikam wědźa a za kak relewantne je maja. Rozmołwy natočichu młodostni z kameru a zhotowichu z materiala krótke widejofilmy. Wudźěłki chcedźa na internetnej stronje Doma Anny Frank zjawnosći spřistupnić.

Veröffentlicht in Kultura
Bitte anmelden, um einen Kommentar zu posten

Anzeige