Pokiwy (20.04.18)

Freitag, 20. April 2018
Artikel bewerten
(0 Stimmen)

Dóstanje diakonsku swjećiznu

Drježdźany. Biskop Heinrich Timmer­evers wudźěli jutře, 21. jutrownika, w 10 hodź. na Božej mši w Drježdźanskej katedrali Pětrej Mrózej z Ku­lowca diakonsku swjećiznu. Wěriwi su na nju přeprošeni a měli so za diakona kaž tež wo duchowny dorost modlić.

Ekspedicija do ćěła

Budyšin. W šěsć wustajenskich wo­błukach je wustajeńca „Fascinacija čłowjek“ w Budyskim Centeru na Žitnych wikach čłowječemu ćěłu wěnowana. Přistup­na je ekspozicija hač do jutřišeho, 21. jutrownika. Zajimcy móža sej pola cen­teroweho managementa tež wosebite wodźenje skazać.

Duchowna hudźba

Budyšin. Lipšćanski gospelowy chór pod nawodom Maika Gisdźinskeho wuhotuje zajutřišim, 22. apryla, wuwzaćnje hižo w 17 hodź., w Budyskej cyrkwi Na­šeje lubeje knjenje „Duchownu hudźbu“. Zaklinča gospele a spirituale. Zastup je darmotny.

Požohnowanje motorskich

Ralbicy. Popołdnjo z požohnjowanjom motorskich zahaji so njedźelu w 14 hodź. z nyšporom w Ralbičanskej cyrkwi. Přizamknje so zhromadny wulět. Po tym, něhdźe w 16.30 hodź., je wjesołe zakónčenje w Nowoslicach předwidźane.

Veröffentlicht in Pokiwy
Bitte anmelden, um einen Kommentar zu posten

Anzeige