Fotograf z Mexika starwot jedneje sekundy na druhu

Freitag, 13. Juli 2018
Artikel bewerten
(0 Stimmen)

Njetraješe dołho, a mexiski fotograf powěsćoweje agentury AFP Yuri Cortez bě na swětowych koparskich mišterstwach w Ruskej nadobo mały star. Koparjo chorwatskeho narodneho mustwa su so po dobyćerskich wrotach Marija Mandžukića w połfinalu přećiwo Jendźelskej tak wjeselili, zo fotografa, kiž steješe na kromje hrajnišća, bjez wotpohlada ­powalichu. Cortez, fotograf powěsćoweje agentury Agence France Presse, ležeše nadobo zhromadnje z hejsowacymi Chorwatami na zemi, při čimž pak dale fotografowaše. A tak nastachu najrjeńše wobrazy wječora. Jako bě třělc wrotow Mandžukić pytnył, zo su wón a sobuhrajerjo Corteza powalili, zawda fotografej ruku, zo by jemu stanyć pomhał. Ivan ­Rakitić a Domagoj Vida staj so pola Mexičana samo z hubku zamołwiłoj.

Veröffentlicht in Sport
Bitte anmelden, um einen Kommentar zu posten

Anzeige