Dožiwjenje za wuši a dušu

Dienstag, 08. Januar 2019
Artikel bewerten
(0 Stimmen)
Hromadźe z dźěćacymaj šolomaj a lajskimi hudźbnikami z wosady a wot druhdźe je Chróšćanski cyrkwinski chór pod nawodom Michała Cyža (nalěwo) njedźelu w farskej cyrkwi wulce poradźeny hodowny koncert wuhotował.  Foto: Feliks Haza Hromadźe z dźěćacymaj šolomaj a lajskimi hudźbnikami z wosady a wot druhdźe je Chróšćanski cyrkwinski chór pod nawodom Michała Cyža (nalěwo) njedźelu w farskej cyrkwi wulce poradźeny hodowny koncert wuhotował. Foto: Feliks Haza

Chróšćanski cyrkwinski chór hodowny hudźbny nyšpor wuhotował

Chrósćicy (JK/SN). Dokelž maja hodowne koncerty Chróšćanskeho cyrwinskeho chóra dobru tradiciju, su wočakowanja na nje stajnje wulke. Te so tež zawčerawšim spjelnichu. Zahorjace přinoški chóra samoho, serbskeje a němskeje šole, klawěrneje solistki kaž tež dujerjow a organista zaručichu spo­dobnu a wulce wokřewjacu hodźinu wuměłskeho a ludoweho spěwa.

Ze znatymi a derje interpretowanymi serbskimi hodownymi twórbami zahaji chór pod nawodom Michała Cyža koncert, w běhu kotrehož so napjatosć publikuma a kwalita hudźbnych přinoškow stopnjowaštej. Spodobnej běštej přinoškaj serbskeje a němskeje dźěćaceje šole. Wobě stej z jara wobdarjenymi spěwarjemi wobsadźenej a pokazaštej, zo njetrjeba so cyrkwinski chór wo dorost starosćić. Štož młodźi spěwarjo předstajichu, bě tohorunja wuraz wuspěšneho nawodnistwa Gabriele Brězanoweje pola serbskeje kaž tež Claudije Wirthoweje a Veroniki Bartoweje pola němskeje šole.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND