Čas zmysłapołnje wužiwać

Freitag, 15. Mai 2020
Artikel bewerten
(0 Stimmen)
Hdyž tuchwilneje koronapandemije wjetšina šulerjow w šuli wuknyć njemóže, je to tež za nich ćežki a njezwučeny čas. Po tym zo su swoje šulske nadawki spjelnili, njebychu dźě jenož před telewizorom sydać směli. Worklečan Ben Šmit chodźi do 1. lětnika. Hewak wón přewšo rady kopački šnóruje a jako nadběhowar w Chróšćanskim mustwje F-młodźiny trenuje, abo w dypkowych hrach za bulom honi. Ze swojim dźědom bě Běn w minjenych tydźenjach někotre razy po puću. Tón je jemu tež powědał wo wójnskich rozestajenjach w srjedźnej Europje w lětach 1813 do 1815. Po wjacorych surowych bitwach so tehdy nadknjejstwo Francoskeje pod Napoleonom nad wulkim dźělom Europy skónči. Jedna bitwa bě 19. meje 1813 při Dubiču (Eichberg) mjez Wysokej (Weißig) a Rakecami. Tehdy wojowaše tam 9 000 pruskich a ruskich wojakow přećiwo 14 000 Francozam. 3 000 wojakow je zahinyło. Sto lět po bitwje su na 160 metrow wysokej hórce Dubiču dźesać­metrowski zornowcowy pomnik stajili.
Veröffentlicht in Předźenak
Bitte anmelden, um einen Kommentar zu posten

Serbska debata

Neuheiten LND