Wot Ryna k Sprjewi – Dirk Lottner nětko nowy šeftrenar FC Energije ...

Dienstag, 22. September 2020
Artikel bewerten
(0 Stimmen)
Dirk Lottner, nowy šeftrenar regionalneho koparskeho ligista FC Energije Choćebuz, je so njedawno na nowinarskej konferency předstajił.  Foto: Georg Zielonkowski Dirk Lottner, nowy šeftrenar regionalneho koparskeho ligista FC Energije Choćebuz, je so njedawno na nowinarskej konferency předstajił. Foto: Georg Zielonkowski

„Habemus papam“ – rěka w Romje, hdyž je po wjacorych dołhich posedźenjach konklawy nowy bamž namakany. Tež pola FC Energije Choćebuz je pytanje za naslědnikom dotalneho trenarja Sebastiana Abta trochu dlěje hač wočakowane trało. Nětko pak maja ze 48lětnym koparskim wučerjom Dirkom Lottnerom noweho šefnazwučowarja. Jako kotrenar budźe jemu Tim Kruse poboku.

„W běhu našich rozmołwow je so spěšnje wukopało, zo so mysle a koncepcija Dirka Lottnera k FC Energiji hodźa. Smy wo tym přeswědčeni, zo mamy z nim trenarja, kiž ma nazhonjenja jako kopar zwjazkoweje ligi, ale tež ze swojich dotalnych trenarskich stacijow, a zo móže nas zaso na wuspěšne kolije wjesć“, rjekny sportowy nawoda Choćebuskeho koparskeho kluba Sebastian ­König.

Veröffentlicht in Sport
Bitte anmelden, um einen Kommentar zu posten

Anzeige