SJ Njebjelčicy
– Hlinowski SC 3:2 (3:1)
Zestawa domjacych: Hahn – Kral, Hanuza, Šołta, O. Domš, Čornak (68. Malaškin), Pawlik, Hölzel, Haška, Plaettner (61. Lejnart), Korjeńk
Nazymske słónco bě přihladowarjow na Njebjelčanske sportnišćo wabiło, dokelž steješe derby susodow před durjemi. Swěrni fanojo ze susodneho Hlinowca ćehnjechu samo ze smólnicami, chorhojemi a banerami z Hlinowca pěši hač do Njebjelčic na sportnišćo. Spěwajo woni atmosferu wobrubichu a tak partiju zahajichu.
