Fota: Konstantin HrjehorKaž pčołki běchu wone w zašłych měsacach po Delanach šwórčeli a bórčeli: „łastojčki a škórcy“, Simsony typa S50 a S51. Nětko pak je sezona za jězdźerjow mopeda nimo. Konstantin Hrjehor je so z Xaverom Domašku rozmołwjał. Nazyma je tu, zymski čas so bliži, rěka to, zo je sezona tež za serbskich mopedistow zakónčena? X. Domaška: To je ćežko rjec. Někotři tež w zymje dale jězdźa, dalši hač do jutrow z busom do šule jězdźa. Dalši wužiwaja čas, zo bychu swój moped reparowali abo přetwarili. Nazymski a zymski čas je strašny čas za wodźerjow mopeda. Puće móža hładke być a dny pochmurne. X. Domaška: Někotři z nas su sej tajki wosebity přikryw wobstarali, kiž škita ćěło před zymnotu a dešćom. Drasta je w tym času tež lěpša. Nimo toho kedźbujemy w zymje hišće lěpje na wobchad a na wje­- drowe  wobstejnosće. Nimale wšitcy z nas ma w swojim mopedźe hižo nowu elektroniku dwanaće voltow zatwarjenu, z kotrejž hłowna swěca prědku a zady kaž tež směrowe swěcy lěpje dźěłaja. Kotre typy jězdźidłow takle maće? X.