Z kanterowym dobyćom

Montag, 04. Januar 2021
Artikel bewerten
(0 Stimmen)
Łužiske lodohokejowe liški su hru přećiwo mustwu Bietigheim Steelers zasłužbnje 6:0 dobyli. Wo puk wojujetaj tule Benjamin Zientek (nalěwo, Bietigheim Steelers) a Rylan Schwartz (Běła Woda).  Foto: Thomas Heide Łužiske lodohokejowe liški su hru přećiwo mustwu Bietigheim Steelers zasłužbnje 6:0 dobyli. Wo puk wojujetaj tule Benjamin Zientek (nalěwo, Bietigheim Steelers) a Rylan Schwartz (Běła Woda). Foto: Thomas Heide

Łužiske liški Běła Woda – Bietigheim Steelers 6:0 (4:0, 1:0, 1:0)

Hladajo na posledni lodohokejowy wuslědk Běłowodźanskich liškow w lěće 2020 bě to wjac hač jednostronska hra. A woprawdźe, Liški tež jara derje wu­stupowachu, a tři dypki běchu na kóždy pad zasłužene. Hladajo pak na statistiku třělwow na wrota (34:36) bě to chětro wurunana partija.

Hnydom wot prěnjeje sekundy dźěše tam a sem, wobě mustwje wuhrawaštej sej jara dobre składnosće. Jenički rozdźěl tónraz bě, zo domjacy swoje šansy wu­žiwachu, hosćo pak ze swojimi zdźěla zwjeršnje wobchadźachu. Najčasćišo pak je wrotar Łužiskich liškow Tobias An­cicka cyle prawje stał. Wón bě z wotstawkom muž dnja, a to z krutej murju před swójskimi wrotami. Hižo w prěnjej třećinje hosćićeljo 4:0 nawjedowachu. Feodor Boiarchinov (5.), Jonathon Martin (7.), Ludwig Nirschl (9.) a Kale Kerbashian (12.) zapisachu so do lisćiny třělcow. Fabian Dietz w srjedźnej třećinje a znowa Kerbashian w poslednim wotrězku hry postaraštaj so wo kónčny wuslědk.

Veröffentlicht in Sport
Bitte anmelden, um einen Kommentar zu posten

słowo lěta 2020

Anzeige