Kóždu hru znowa zas ...

Dienstag, 02. Februar 2021
Artikel bewerten
(0 Stimmen)
W domjacej partiji předwčerawšim přećiwo mustwu Bayreuth Tigers su hosćo puk we wrotach Mac Carrutha (čisło 78, Běła Woda) trójce zaměstnili. Na tamnej stronje pak trjechichu Liški jenož jónu.  Foto: Thomas Heide W domjacej partiji předwčerawšim přećiwo mustwu Bayreuth Tigers su hosćo puk we wrotach Mac Carrutha (čisło 78, Běła Woda) trójce zaměstnili. Na tamnej stronje pak trjechichu Liški jenož jónu. Foto: Thomas Heide

Łužiske liški Běła Woda – Bayreuth Tigers 1:3 (0:1, 1:0, 0:2)

... njedóstanu Běłowodźanske lodohokejowe liški puk do přećiwniskich wrotow. Wobhladamy-li sej jich wrotowy přerězk minjene dźewjeć razow, wothladajo wot wuspěcha 7:3 přećiwo Bad Nauheimej, leži tón pola 1,3 na hru. Přećiwo Kaufbeurenej a Drježdźanam Hornjołužičenjo scyła do čorneho trjechili njejsu. A dokelž móžachu njedźelu wječor doma znowa jenož jónu wyskać, dźěchu wospjet jako přěhračk z lodu. Dokelž hosćo jeničce z 13 a domjacy z 15 hrajerjemi nastupichu, běše to duel deciměrowaneju mustwow. A hladajo na wotběh partije móhli ju chowancy trenarja Correyja Neilsona tež dobyć, bychu-li skónčnje raz swoje móžnosće wužili.

W prěnjej třećinje pak mějachu najprjedy raz jara mało tajkich. Jenož trójce třělichu crackojo z Běłeje Wody na wrota, hosćo cyłkownje dźewjeć króć a jónu tež wyskachu. A to po pjeć mjeńšinach, jako steješe nadběhowar hosći samlutki před Mac Carruthom a přemyslenje přetwori. Cyłkownje móžachu Liški wjesołe być, zo dźěchu jeno ze snadnym zastatkom do prěnjeje přestawki. Wšako běchu hosćo dalše wulke šansy měli.

Veröffentlicht in Sport
Bitte anmelden, um einen Kommentar zu posten

Anzeige

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha