Schrift vergrößern
„Gduńsk – stolica Kaszubów“ – bywše hansowe město nad pólskim Baltiskim morjom skići wopytowarjej nimo rjanych wuhladow tójšto zajimawostkow ze stawiznow, wědomosćow a wuměłstwa runje tak kaž překwapjenki. Foto: Měrćin Brycka
Njedźela, 15. awgusta 2021
Běše hižo popołdnju po štyrjoch, jako docpěch z awtom Starogard Gdański. W zwisku z kašubskej wustajeńcu Serbskeho muzeja so na njón dopomnich. Wonkownje wupadaše kaž kóžde druhe pólske město: rondele, žołte markěrowanje, pisane wabjenja a trochu hinak rjadowany wobchad. Běch mjeztym hižo dlěje hač wosom hodźin po puću był.
Figuru małeho lawa nańdźeš po cyłym měsće Gdańsku analognje palčikam we Wrócławje.
