Nowe lěto zahaji Rozhlad z nowej seriju. Z njej spominamy na Jana Buka, jednoho z najwuznamnišich serbskich wuměłcow 20. a 21. lětstotka, kotryž je so w awgusće před sto lětami narodźił. K tomu wozjewimy lětsa w kóždym wudaću kulturneho časopisa jednu z jeho twórbow. Wot nich su so serbscy spisowaćeljo a serbske spisowaćelki inspirować dali a literarny tekst k tomu napisali. W januarje wozjewimy baseń „Mój dudlowak“ Róže Domašcyneje k wobrazej „Dudak“ z lěta 1960.