Olympiske hrya wopačne městno

Freitag, 04. Februar 2022
Artikel bewerten
(0 Stimmen)
Bianka Šeferowa

Countdown je wotběžał. Dźensa započinaja so olympiske hry „z hórkim přisłodom“. Nihdy do toho njebě do wurjadnych sportowych wubědźowanjow telko kritiki rozsuda Mjezynarodneho olympiskeho komiteja (IOC) dla, kiž je krajej hry zmóžnił, hdźež čłowjeske prawa z nohomaj teptaja. Štóž je sej póndźelu dokumentaciju telewizijneho sćelaka ARD z Felixom Neureutherom wobhladał, tón wě, što měnju. Mjeńšiny, kaž na přikład Uigurow, tam w lěhwach wobstražuja a jich suro­wje krjuduja. Bywši sportowc zetka so mjez druhim tež ze swědkami, kotřiž emocionalnje wo njeskutkach rozprawjachu. Prawo na swobodu měnjenja w Chinje njeeksistuje. Zo tam z ludźimi hrózbnje wobchadźeja, njeje žane potajnstwo. Ćim dwělomniši je rozsud IOC. Kritiku a prašenja Neureuthera eksekutiwny direktor IOC Christophe Dubi wobeńdźe, skedźbnjejo na to, zo njeje sport politiski. Ale runje to je hladajo na zymski sport w Chinje runjewon absurdne wuprajenje.

Veröffentlicht in Rozmyslowane
Bitte anmelden, um einen Kommentar zu posten

Serbska debata

Neuheiten LND