Energija Choćebuzz aplawsom won

Dienstag, 02. August 2022
Artikel bewerten
(0 Stimmen)
Po dźesać lětach wróćo w Choćebuzu: Leonardo Bittencourt tu w duelu z Choćebužanom Arne Kujovićom. 28lětny přeběža wšitke dorostowe mustwa FC Energije a  přińdźe pod trenarjom Wollitzom jako sydomnaćelětny k swojim prěnim zasadźenjam we wobłuku muži. Foto: Georg Zielonkowski Po dźesać lětach wróćo w Choćebuzu: Leonardo Bittencourt tu w duelu z Choćebužanom Arne Kujovićom. 28lětny přeběža wšitke dorostowe mustwa FC Energije a přińdźe pod trenarjom Wollitzom jako sydomnaćelětny k swojim prěnim zasadźenjam we wobłuku muži. Foto: Georg Zielonkowski

FC Energija Choćebuz – SV Werder Bremen 1:2 (0:1)

Zestawa FCE: Sebald – Hasse (76. Heike), Hildebrandt, Slamar (46. Eisenhuth), Borgmann, Kujović (76. Badu), Hofmann, Geisler (46. Juckel) – Milde, Hottmann, Abu-Alfa (46. Oesterhelweg)

Zestawa SV Werder Bremen: Pavlenka – Pieper, Veljković, Friedl, Weiser, Groß, Buchanan, Bittencourt (70. Stage), Schmid (90. Rapp), Füllkrug, Ducksch (90. Burke).

Na kóncu njeje za FC Energiju za dalše wobdźělenje na pokalnym wubědźowanju DFB dosahało. Zastupjer štwórteje ligi pak bu po poražce 1:2 wot fanow frenetisce swjećeny, bě tola regionalny ligist specielnje w druhim połčasu cyłkej z Bremena ze zwjazkoweje ligi zasakły bój skićił, po kotrymž so sewjerni Němcy na kóncu zasłužbnje z dobyćom rozžohnowachu.

W prěnjej połojcy přewostajichu hosćićeljo swojim hosćom přejara hrajnu režiju, jako steješe FCE přehłuboko, zo by tam nadběhi wočakował. Tak bě to hišće dobry wuslědk za nich, kaž hrajerjo FC Energije pozdźišo sprawnje přiznachu.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND