Schrift vergrößern
Pisanosć drasty wobdźělenych ansamblow je swjedźenski ćah znowa na wuběrne wašnje wotbłyšćował. Spěwajo a rejujo podachu so ludowi wuměłcy ze wšeho swěta, tu folklorna skupina Jasénka z Morawy, a wězo z Łužicy njedźelu připołdnju na swjedźenišćo pod Fulkec hórku w Chrósćicach. Bojan Benić (4), Feliks Haza(2)
Kohož horcota wottrašiła njeje, tón je so minjeny kónc tydźenja do Chrósćic podał. Delnja Łužica bě tradicionalnje hižo pjatk w Hochozy swój festiwal měła. Aktiwni a publikum móžachu tuž wupłody zaměrnych přihotow ze stron organizatorow a pilnych pomocnikow hosćićelskeju wsow na XIV. mjezynarodnym folklornym festiwalu „Łužica 2023“ žnjeć.
Njesměrnje pražiło je słónco festiwalnu njedźelu nad swjedźenišćom. Městna w chłódku štomow běchu tuž jara požadane. Foto: Bojan Benić
Folklorny festiwal, to njejsu sobotu wječor jenož poskićenja na statokach. Na wjesnej dróze su hosćo k zynkam wšelakich skupin tež rejowali. Foto: Maćij Bulank
