Jan Róbl (93), rodźeny w Hózku, je najstarši Serb Awstralskeje a bydli při jednym z najrjeńšich pobrjohow swěta

To běch spočatk měrca w awstralskim měsće Gold Coast na wšo přihotowany, jenož nic na to! Hižo dny do toho sym so pola njeju telefonisce přizjewił, wšako je Jan Róbl hižo 93 lět a jeho partnerka Irena 89. Wo ludźoch tuteje staroby wšak ma čłowjek ... nó haj, tak swoje předstawy. Potom pak přijědźech tam wokoło róžka, a da steještaj dwaj zróstnaj čłowjekaj před durjemi, zo sej najprjedy myslach: To drje budźetaj zawěsće jeju dźěsći?!