Na česć serbskeho awantgardista

Budyšin. Na žurli Serbskeho muzeja zahaja jutře, sobotu, w 19 hodź. lětuši koncertny rjad „Musica nova sorabica – tradicija + eksperiment“. Prěnje zarjadowanje pod hesłom „Juro Mětšk – spominanje“ wěnuja wusahowacemu serbskemu awantgardistej. Jeho twórby interpretuja mjez druhim sopranistka Anna Korondi a husler Malte Hübner, dźiwadźelnica Lisa Čornakowa wustupuje jako rěčnica. Zastup płaći 10 resp. potuńšeny 8 eurow. Dalšej koncertej slědujetej stajnje w 19 hodź. sobotu, 14. oktobra, a tydźeń pozdźišo w Budyskej Michałskej cyrkwi resp. na žurli Serbskeho ludoweho ansambla. Mjez druhim zaklinča prapremjernje nowizny na přikład Jana Cyža, Sebastiana Elikowskeho-Winklera a Ulricha Pogody.

Měšćanske napohlady