Za čož na Bayreuthskej „Zelenej hórce“ dny dołho trjebaja, zešlachći so Serbskemu młodźinskemu dźiwadłu při Němsko-Serbskim ludowym dźiwadle w něhdźe 70 mjeńšinach. Dlěje so šulerki a šulerjo njedroža, zo bychu často narodny mytos ­Němcow mjenowanu stawiznu kołowokoło rjeka Siegfrieda, zmija Fafnira a lutka Albericha předstajili. „Pjeršćeń“ rěkaja swojej aktualnej inscenaciji, kotraž zhusća srjedźowěkowski epos „Nibelungenlied“ na zdźěla grotesknu, zdźěla absurdnu tragikomediju. Tekstowu předłohu Thea Fransza bě nawoda skupiny a režiser hry Měrko Brankačk zeserbšćił, při čimž swojim chowancam awtentisku wobchadnu rěč dowola.