Feministiski film a „cyganski“ jazz Budyšin. Kamjentny dom w Budyšinje skići zajimcam kónc tydźenja wotměnjawy program. Dźensa, pjatk, pokazaja we wobłuku Žonjacych akciskich tydźenjow wokrjesa Budyšin w 19.30 hodź. film „Die Eine tanzt, die Andere nicht“. Předstajenju slěduje rozmołwa z režiserku Emilie Girardin, gynekologowku Franzisku Larraß a Jowom Knoopom z projekta Que(e)r durch Sachsen. Zastup je darmotny, dary pak so njewotpokazuja. Jutře, sobotu, zahraje tam skupina Bistro Manouche we wobłuku Budyskich komornych koncertow. Cyłk pěstuje předewšěm tak mjenowany gypsy jazz, ma pak tež žiłku za fusion a funk. Koncert započnje so w 19.30 hodź. Zastup płaći 18 resp. potuńšeny 15 eurow.

Dwójna wustajeńca w fabrice