Premjera hudźbneje hry

Hochoza. Němsko-Serbske ludowe dźiwadło pokaza jutře, sobotu, w Hochozy prěni raz inscenaciju „Mój bog, Floppy Dolls su slědk!“. Hru režisera Měrka Brankačka staj Anna Zachariasojc a Werner Měškank do delnjoserbšćiny přełožiłoj; hudźba je z pjera Tassa Schille. Premjera započnje so w 19.30 hodź., zastup płaći 15 resp. potuńšeny 10 eurow. Štyri dalše předstajenja, mjenujcy w Brjazynje, Turjeju, Radušu a Choćebuzu, su planowane.

Zaćišće z prěnjeje ruki

Budyšin/Wojerecy. Stephan Orth, wjelelětny redaktor časopisa Der Spiegel a mjeztym swobodnje skutkowacy awtor, je kónc tydźenja dwójce z hosćom w Hornjej Łužicy. Jutře, sobotu, předstaji w Budyskim Kamjentnym domje swój bestseller „Couchsurfing in der Ukraine“, wotbłyšćowacy wosom měsacow trajacu jězbu „po kraju we wójnje“. Čitanje započnje so w 20 hodź., zastup płaći 16 resp. potuńšeny 13 eurow. Dalši bestseller, knihu „Couchsurfing in Saudi-Arabien“, prezentuje wón njedźelu w 16 hodź. we Wojerowskej Kulturnej fabrice. Zastup płaći 14 eurow.

Zakónča přehladku z wodźenjemi