Sinzig (dpa/SN). W Porynsko-Pfalcowskej su skućićeljo dźensa dopołdnja wjacorych ludźi w filiali banki jako zastajencow brali. Jedyn z nich je šofer transporta pjenjez. Zastojnikow běchu dopołdnja w dźewjećich informowali. Policija bě hač do redakciskeho kónca z mnohimi zastojnikami na městnje. Wulki dźěl města Sinzig běchu zašlahali, za wobydlerjow wulki strach njehrožeše. Dalše detaile dopołdnja hišće znate njeběchu, wšako bě situacija dosć njepřehladna.

Přiměr wohroženy

Teheran/Washington (dpa/SN). Přiměr mjez USA a Iranom steji před nowym wužadanjom: Po atakach Irana na tři zničenske łódźe USA w Hormuskim přeliwje je wójsko USA nětko cile w islamskej republice wobtřělało. Wójsko Irana napřećiwnej stronje wumjetuje, zo fragilny přiměr z tym dale wohrožuje. US-prezident Donald Trump sej mjeztym znowa žadaše, zo měł režim w Teheranje „spěšnje“ měrowe dojednanje podpisać. Přiměr najebać nadpadow dale płaći.

Pokuta za njewotmołwjenje