Operetowe melodije zaklinča
Budyšin. Serbska komorna filharmonija pod hudźbnym nawodom Kathariny Dickopf přeprošuje na operetowy wječor jutře, 23. meje, w 19.30 hodź. na žurlu Serbskeho ludoweho ansambla w Budyšinje. Wopytowarjo móža so na pisany wječor połny šarma, elegancy a zahorjacych melodijow wjeselić. Hudźbnicy zahudźa sławne twórby Johanna Straussa módšeho, Franza Lehára, Emmericha Kálmána, Paula Linckeho, Johannesa Brahmsa a dalšich komponistow złoteje operetoweje doby.
Wosebita wustajeńca
Budyšin. „Moluju, tuž sym – Lutz Jungrichter · molerstwo · plastika“ je titul wosebiteje wustajeńcy w Budyskim měšćanskim muzeju. Jutře, sobotu, w 15 hodź. su zajimcy na wotewrjenje z něhdyšim Budyskim wyšim měšćanostu Christianom Schrammom a nawodnicu muzeja Jasmin Kaiser přeprošeni. Jungrichter słušeše 1990 do kruha załožerjow Budyskeho wuměłskeho towarstwa. Składnostnje jeho 85. narodnin prezentuje wustajeńca twórby molerja, grafikarja a kamjenjećesarja, kiž bě z Hornjej Łužicu a přirodu kruće zwjazany.
Nóc wotewrjenych cyrkwjow
