Serbski ludowy ansambl je plan za nowu hrajnu dobu předstajił
Budyšin (SN/jp). Serbski ludowy ansambl je wčera na nowinarsku rozmołwu do Budyskeje Röhrscheidtoweje bašty přeprosył. Na konferency předstaji intendant Tomas Kreibich-Nawka highlighty přichodneje hrajneje doby, kotraž wopřijima njeličomne kulturne přinoški orchestra, rejowarkow a rejowarjow kaž tež krasne zynki chóra SLA. W hrajnej dobje 2026/2027 změja 21 premjerow a prapremjerow. Hišće před něšto měsacami njeběchu sej planowarjo cyle wěsći, kak móža wšitke předwidźane předstajenja do hrajneje doby zaplesć, dokelž njebě hižo dosć wulki budget zaručeny. Tak měješe so SLA při planowanju kedźbliwje zadźeržeć, dokelž nochce naposledk předstajenja pjenježnych přičin dla wotprajić dyrbjeć.
