Rejujo na slědach Miny Witkojc

Bórkowy. Na česć Miny Witkojc přeprošatej rejowanska skupina Tanzkompanie Golde G. a towarstwo Ars Momento na performatiwne wuchodźowanje po Bórkowach na slědach wuznamneje delnjoserbskeje basnicy, aktiwistki a žurnalistki. Premjera wotměje so zajutřišim, njedźelu, w 15 hodź. Dalše předstajenje slěduje sobotu, 3. oktobra, tohorunja w 15 hodź. Bjezpłatnje přistupnej zarjadowani započnjetej so stajnje při bywšim Błótowskim dwórnišću.

Koncert ze sepju prapremjerow

Budyšin. Spěwar Ronald Hein a pianist Hiroto Saigusa koncertujetaj zajutřišim, njedźelu, na žurli Budyskeho Serbskeho muzeja. Jeju program wopřijima wubrane twórby Artura Imischa a Roberta Schumanna. Nimo toho zaklinča prapremjernje spěwy Bjarnata Krawca na basnje Michała Nawki, kotrež buchu we wobłuku projekta Załožby za serbski lud z rukopisnych manuskriptow wudźěłane. Prěni raz zahrajetaj tež Handrija Zejlerjowu baladu „Smjertna hora – Der Todesberg“. Koncert započnje so w 15 hodź., zastup płaći 10 resp. potuńšeny 8 eurow.

Što je ekstremizm?