Dožiwjenja serbskeho žurnalista

Budyšin. Wudawaćel dr. Friedrich Pollack předstaji dźensa, pjatk, knihu „Von Kamenz nach Palästina“ w Budyskim lokalu DDV na Lawskich hrjebjach. Němskorěčna wersija je runja serbskej „Z Prahi do Palestiny“ w Ludowym nakładnistwje Domowina wušła a wopřijima wubrane reportaže a dopomnjenki serbskeho nowinarja Jurja Wićaza. Zarjadowanje započnje so w 17.30 hodź., zastup płaći regularnje 5 eurow.

Hriby, reje, koniki

Běła Woda. Zwěrjenc w Běłej Wodźe a manufaktura Matze‘s food prezentujetej jutře, sobotu, a zajutřišim „Kónc tydźenja hribowědy“. Wot 11 hodź. powjedźe fachowc Uwe Bartholomäus wobaj dnjej prawidłownje po parku, při čimž hosćom zajimawostki kołowokoło hribow rozłoži a hribyzběrarjam zdobom pokiwy sposrědkuje. Ramikowy program wopřijima mjez druhim wustupaj towarstwa za rejowanski sport Kristall Běła Woda a jěchanje na ponyjach.

Domchowanka z tójšto hudźbu