Naležny „Budyski apel“
Namołwa politikarjow sprjewineho města na dobro ćěkancow
Budyšin (K/SN). Wyši měšćanosta sprjewineho města Alexander Ahrens (njestronjan) bě tele dny nawodnych Budyskich komunalnych kaž tež stronskich politikarjow přeprosył na schadźowanje, zo by z nimi hromadźe rozjimał połoženje, ,,nastate w zwisku z ćěkancami“. We wuslědku zeńdźenja wozjewi Zwjazkarstwo za Budyšin wosebity „Budyski apel“, kotryž su wšitcy wobdźělnicy podpisali. Nimo Ahrensa běchu to předsyda frakcije SPD w měšćanskej radźe Roland Fleischer, předsydka frakcije Lěwicy w měšćanskej radźe Angela Palm, předsyda frakcije Wobydlerske zwjazkarstwo w měšćanskej radźe Steffen Tech, předsyda městneje organizacije Lěwicy Rüdiger Thürling a městopředsydka frakcije Wobydlerske zwjazkarstwo w měšćanskej radźe Karin Kluge.
Rumuja lěhwo
Chcył jednoćić
Wuradźuja wo Grjekskej
Swoju rólu njenadhódnoćić
Vatikan (B/SN). Bamž Franciskus je měšnikam a dostojnikam cyrkwje porokował, zo swoju rólu lajkam napřećo nadhódnoćeja. „Klerikalizm zabywa, zo słušatej widźomnosć a sakramentalnosć cyrkwje wšemu ludej Božemu, a nic jeno někotrym wuzwolenym“, rěka w njedawno wozjewjenym lisće swjateho wótca. Duchowni su runja wšitkim tamnym přez křćeńcu najprjedy jónu lajkojo.
Pruwuja wukubłanje měšnikow
Wien (B/SN). Centralna Vatikanska kongregacija za klerus dźěła na nowych směrnicach za wukubłanje měšnikow. Přičina za to su změny dušepastyrskich metodow w cyrkwi. Wjetšu wahu změjetej nětko kulturny kontekst kaž tež prewencija znjewužiwanja, podšmórny sekretar kongregacije, arcybiskop Jorge Carlos Wong.
Duchowneju wuswobodźić
To a tamne (24.05.16)
Swoju móšeń zhubił je paduch w Bochumje. Do toho bě wón z wjaceswójbneho domu telewizor a kompjuter pokradnył, po tym zo bě bydlenske durje na druhim poschodźe namócnje wočinił. Zawostaji pak jasne slědy: móšnju z wosobinskimi dokumentami. Policija móžeše 34lětneho paducha na to zajeć a zawěsćić, zo „mamy tola hišće tajke něšto kaž sprawnosć.“
Sto lět stare čłowječe kosće su při twarskich dźěłach w sewjernych Smolinach našli. Přičina smjerće njeje hišće znata, za dalše přepytowanja na městnje namakanki su mjeztym fachowca krajneho zarjada za hladanje pomnikow a archeologiju skazali. Wobsedźer ležownosće w saksko-anhaltskim Ilsenburgu bě dźěru za swimmingpool rył. Při sylnym dešću so sćěna sypny a wotkry nopaj kaž tež wjacore kosće.
Wulke škody po njewjedrje
Minden (dpa/SN). Njewjedro je na wuchodźe Westfalskeje wulke škody načiniło. Wohnjowa wobora bě wčera we wokrjesu Minden-Lübbecke cyły wječor zasadźena. Wobydlerjo jej pomhachu štomy a hałzy z pućow rumować. Třěchi buchu wotkryte a pincy zapławjene. W Mindenje bě njewjedro wosebje ćežke. Policija rěči samo wo tornadźe, štož pak njejsu meteorologojo dotal wobkrućili.
Sto ludźi zahinyło
Damaskus (dpa/SN). Při wjacorych rozbuchnjenjach w přibrjóžnych, wot režima Bashara al-Assada kontrolowanych kónčinach Syriskeje je znajmjeńša sto ludźi žiwjenje přisadźiło. 48 ludźi zahiny w měsće Tartus, 53 w Dshabla, kaž syriske wobkedźbowanišćo za čłowjeske prawa zdźěla. Nimo toho so wjele ludźi zrani. Nadpady běchu najhrózbniše wot časa wudyrjenja wobydlerskeje wójny. Přibrjóžnej prowincy Latakia a Tartus stej wot lěta 2011 w rukach Assada.
Irakčenjo podpěruja USA
