Znowa žadyn wuspěch nježnjeli

Dienstag, 24. November 2015 geschrieben von:

TSG Neustrelitz – FSV Budissa Budyšin 2:1 (2:1)

Zestawa hosći: J. Jakubov – Kolan, Klippel,­ Patka, Kral, Hoßmang, Rosendo (71. Heineccius), Hausdorf (81. A. Jakubov), Reher, Walther, Salewski (56. Hansch)

Koparjo Budissy Budyšin nochcychu so z dołheje jězby do Neustrelitza podarmo wróćić. Loni běchu chowancy tre­narja Tomaša Henčla na samsnym městnje 0:2 podleželi, tónraz chcychu to lěpje činić. Škoda, zo so hra za nich hnydom njezbožownje započa. Róžk za Budissu wužichu domjacy za konter, kotryž z 1:0 (4.) zakónčichu. To bě hrajerjam ze sprjewineho města morsk do tyła. Na to spytachu wězo wurunanje docpěć a mějachu tež lěpše sceny. Njemó­žachu pak móžnosće přetworić. Hosćićel wušiknje zakitowaše a złožowaše so dale a bóle na kontery­, štož so jemu tež wuběrnje poradźi. Hišće do přestawki kasěrowaše Budissa dalše wrota (41.). Jakub Jakubov bě drje hišće z ruku při bulu, wrotam wšak tež wón zadźěwać njezamó. Bu­dyšenjo pak hłowy njewěšachu a dale wojowachu. Bój so wudani a Hausdorf trjechi w 44. min. z bliskosće 2:1. Tele wrota běchu wažne a skićachu za druhi połčas móžnosć wurunać.

Doma dale njeporaženi

Dienstag, 24. November 2015 geschrieben von:

ST Radwor – ST Wjernarjecy 1:0 (0:0)

Zestawa domjacych: Wróbl – Henke (69. Šěrak), Buša, Sćapan, Zähr, Bauer, Šram, Nuk, Wjeńka, Abdullah, Winar

Widźał, słyšał, napisał (24.11.15)

Dienstag, 24. November 2015 geschrieben von:

Awtor dźensa

Tadej Cyž

Zo słuša namóc bohužel k fanowej kulturje w spor­­će, hižo dlěši čas wěmy. Přeco zaso ma­my konflikty mjez jednotliwymi skupinami přiwisnikow. W stadionach je namóc prezentna. Nětko pak je tež teror sport a wosebje kopańcu dosćahnył. To je nowa situacija za wšitkich, kotřiž so za sport horja. Wšojedne, hač su to aktiwni, pomocnicy abo fanojo, wšitcy dyrbja so z nowej dimensiju namocy rozestajeć.

Zašły hrajny dźeń w koparskich klasach wotmě so bohudźak bjez wulkich konfliktow. Kak pak najlěpje ze strachom w stadionach wobchadźamy? Na to mamy zawěsće najwšelakoriše wotmołwy. Přiwisnicy kopańcy su minjeny kónc tydźenja prawu reakciju pokazali. Nimale wšitke stadiony w prěnjej a druhej zwjazkowej lize běchu wupředate a atmosfera bě přijomna. Respekt před namocu haj, ale žadyn strach! Jeli lubowarjo sporta swój hobby spušća, su terorisća swój zaměr hižo docpěli.

Wuslědki (24.11.15)

Dienstag, 24. November 2015 geschrieben von:

Kopańca, regionalna liga

Zwickau – Halberstadt 4:1 (1:0)

Babelsberg 03 – Jena0:0 (0:0)

Nordhausen – Rathenow 6:1 (4:0)

Neugersdorf – Schönberg 2:1 (0:0)

Hertha BSC II – Meuselwitz 0:0 (0:0)

Neustrelitz – Budissa Budyšin 2:1 (2:1)

Auerbach – Luckenwalde 4:0 (1:0)

RB Lipsk II – BFC Dynamo 1:2 (1:0)

Berlinski AK – FC Viktoria 3:1 (3:0)

1. Nordhausen 15 31 : 12 34

2. Jena 15 21 : 5 32

3. Zwickau 15 29 : 11 31

4. Berlinski AK 15 22 : 8 31

5. BFC Dynamo 15 36 : 25 30

6. Neugersdorf 15 24 : 16 28

7. Babelsberg 03 15 17 : 7 26

8. Auerbach 16 25 : 22 25

9. Budissa Budyšin 15 24 : 16 21

10. Neustrelitz 16 23 : 22 21

11. Meuselwitz 15 18 : 24 18

12. Hertha BSC II 15 19 : 28 16

13. Schönberg 15 18 : 18 15

14. RB Lipsk II 15 16 : 25 14

15. FC Viktoria 15 15 : 28 10

16. Luckenwalde 15 10 : 34 10

Wuslědki (23.11.15)

Montag, 23. November 2015 geschrieben von:

Kopańca, krajna liga

FSV Zwickau II – Glauchau 6:2 (2:1)

Heidenau – Markkleeberg 1:2 (0:1)

Hohenstein-E. – BSC Freiberg 6:0 (1:0)

Wocl Riesa – Pirna-Copitz 3:1 (1:0)

Zhorjelc – FC Grimma 0:1 (0:0)

Kamjenc – Chemija Lipsk 1:1 (1:1)

Rapid Kamjenica – FC Eilenburg 0:5 (0:3)

Reichenbach – Taucha 4:0 (3:0)

1. Wocl Riesa 13 30 : 15 27

2. Chemija Lipsk 12 32 : 12 26

3. FC Grimma 13 23 : 15 25

4. Kamjenc 12 22 : 8 23

5. FSV Zwickau II 13 20 : 13 23

6. FC Eilenburg 13 25 : 21 21

7. Markkleeberg 13 24 : 21 19

8. Hohenstein-E. 13 28 : 20 18

9. Zhorjelc 13 17 : 16 18

10. Pirna-Copitz 13 17 : 21 16

11. Heidenau 13 13 : 18 16

12. Glauchau 12 13 : 23 12

13. Reichenbach 13 12 : 19 11

14. BSC Freiberg 13 12 : 33 11

15. Rapid Kamjenica 12 14 : 26 10

16. Taucha 13 10 : 31 6

Wokrjesna wyša liga

Bukecy – Póst Budyšin 3:4 (0:3)

Kulow – Hory0:0 (0:0)

Połčnica – ST Ćisk2:1 (0:1)

Kumwałd – Rakecy1:0 (1:0)

Großröhrsdorf – Wjelećin 8:0 (2:0)

Ralbicy/Hórki – Wachau 1:1 (1:0)

Łuty – Chrósćicy1:3 (1:1)

1. Chrósćicy 14 37 : 7 38

2. Hory 13 38 : 8 30

3. Kumwałd 12 33 : 14 26

4. Hnašecy 12 29 : 13 23

5. Großröhrsdorf 14 31 : 27 23

6. Ralbicy/Hórki 13 26 : 13 20

7. Póst Budyšin 14 35 : 33 20

8. Rakecy 13 23 : 18 19

9. ST Ćisk 13 26 : 26 19

10. Połčnica 14 23 : 22 16

11. Ramnow  12 25 : 25 16

12. Kinspork 13 22 : 27 15

13. Kulow 13 18 : 20 13

14. Bukecy 13 15 : 36 8

15. Wachau 13 18 : 45 8

16. Wjelećin 13 16 : 47 7

17. Łuty 13 12 : 46 7

Wokrjesna liga, stafla II

Hórnikecy – Wětnica/Hola 0:0 (0:0)

Njeswačidło – Lubuš2:3 (2:2)

Šćeńca – Bluń2:5 (0:1)

Nowe Město II – Ćisk II 1:2 (1:1)

Hory II – Wojerecy 1919 0:1 (0:0)

Ralbicy/Hórki II – FC Łužica 0:5 (0:2)

HZ Łaz – Nadr. Hrabowka 2:1 (2:0)

Wokrjesna liga, stafla III

Großröhrsd. II – Wósl./Skaskow 4:1 (2:1)

Němske Pazlicy – Frankenthal 1:4 (0:3)

Haselbachtal – Sepicy 2:6 (0:2)

Sokoł Ralbicy/Hórki – TSV Wachau 1:1 (1:0)

Zestawa domjacych: Gloxyn – Matka (68. B. Bjeńš), Schultz, S. Bjeńš, Lulak, Šołta, Korjeńk (68. Kurjat), T. Bejma, Wałda (80. Bejmak), Domaška, B. Bejma

85 přihladowarjow dožiwi wčera, delansku kermušnu njedźelu, słabu hru koparjow Sokoła Ralbicy/Hórki. Wot spočatka hač do kónca mějachu woni ćeže, hru měrnje natwarjeć. Taktika hosći so połnje wudani – wěsće stać a přez kon­tery k wuspěchej dóńć – jeničke wrota za Sokoł padnychu krótko do połčasa, jako docpě niska přihrawka Antoniusa Wałdy Pětra Domašku w šěsnatce. Tón bjez problema bul přez liniju storči. Hižo do toho pak dyrbjeli domjacy nawjedować. Woni dóstachu pjeć metrow před wrotami indirektny wólny kop, dokelž přiwza wrotar z Wachauwa bul swójskeho škitarja z ruku. Prjedy hač so Lulak wušmjata, pak bě hižo prěnja noha hóstneho škitarja při bulu. Kaž přez cyłu partiju pobrachowaše Sokołam tež při tutej šansy jasny koncept.

Načolny duel krajneje koparskeje ligi mjez Jednotu Kamjenc (třeća tabulki) a Chemiju Lipsk (prěnja tabulki) je so wčera 1:1 skónčił. Hru widźało bě 416 ludźi, něhdźe połojca z nich bě z Lipska. Wrota třělištaj Stefan Höer za Kamjenc a Daniel Heinze za Lipsk. W tabulce pak stej so wobě mustwje wo poziciju pohubjeńšiłoj. Foto: Jörg Stephan

Přewšo ćežko sej činili

Montag, 23. November 2015 geschrieben von:

FSV Łuty – SJ Chrósćicy 1:3 (1:1)

Zestawa hosći: Králíček – Pöpel, Šiman, Cyž, Schulze, Dehn, Runt, Domaška (65. Budar), Młynk, Šafář, Bogusz (50. Zahrodnik)

Po tym zo bě sudnik po zahwizdanju mjeńšinu mjelčenja za wopory atentatow w Parisu zapołožił, startowachu koparjo z Chrósćic hnydom z wrotami. Petr Šafář dósta bul do šěsnatki, wobkruži wrotarja a škitarja a suny hrajny nastroj k 0:1 nisko do wrotow (6.). Krótko na to měještaj Fabian Pöpel a Felix Dehn dalšej składnosći. Dale a bóle pak koncentracija hosći popušći a lochkomyslnosć přiběraše. Łutowčenjo přińdźechu wo­sebje z dołhimi třělwami přeco zaso strašnje do jich šěsnatki a w 24. min. wurunachu. Po wólnym kopje před wrota podlěši domjacy nadběhowar Pohl kulowatu kožu k 1:1 (24.) do saka. Chróšćenjo mějachu swoju lubu nuzu z agilnym hosćićelom. Hač do połčasa dźěše při sněhowym dešću stajnje tam a sem, wulke móžnosće pak wuwostachu.

Na wrota bohaty a fairnyserbski koparski derby

Montag, 23. November 2015 geschrieben von:

SJ Njebjelčicy – ST Marijna hwězda 3:4 (2:3)

Zestawa domjacych: Ričel – Kral, Haška, Hrjehor, Hanuza, Dubaw, Cyž, Hommel, Hoelzel (60. Šołta, 71. Mjechela), Lejnart, Čornak

Zestawa hosći: O. Schmidt (46. Vacek) – Sbjeznie, P. Schmidt, Rab (76. Winkler), Škoda, Wróbl, Lipič, Bělk (60. Langner), T. Jurš, D. Jurš, Peschmann

Kaž hižo časćišo su Njebjelčanscy koparjo spočatk hry trochu zaspali, a tak hosćo spěšnje 2:0 nawjedowachu. Najprjedy zaměstni jich kapitan Křesćan Bělk bul poměrnje lochko we wrotach Daniela Ričela (9.). Nimale ze samsneje pozicije docpě štyri mjeńšiny po tym Paul Schmidt druhe wrota za swoje mustwo (13.). Na to běžeše kulowata koža lěpje w rjadach domjacych. Tadej Cyž zniži z wótrej niskej třělwu w 21. min. na 1:2. Roberta Lejnartowy pas před wrota pak Gabriel Čornak snadnje misny (28.). Wólny kop Lejnarta njezamóchu Chrystof Dubaw, Leopold Hoelzel kaž tež Čornak přetworić (32.). Jako so Lejnart w 37. min. do soloběha poda, wón z niskej a wótrej třělwu wuruna (37.). Z myslemi běchu Njebjelčenjo najskerje hižo w přestawce, ale po Ričelowym wot­placnjenju wy­sokeho bula bě Dawid Jurš na městnje a storči jón k 2:3 do saka.

Sport (20.11.15)

Freitag, 20. November 2015 geschrieben von:

Hwězdźički we Wojerecach

Třeće volleyballowe mustwo Marijinych hwězdźičkow hraje njedźelu wot 11 hodź. we Wojerecach w VBH-arenje na Lieselotty Hermannowej 11 přećiwo MSV Budyšin III a SC Wojerecy.

Mikławšowy turněr

Chróšćanscy volleyballisća zarjaduja a wuhotuja póndźelu, 7. decembra, tradicionalny volleyballowy turněr, a to we wjacezaměrowej hali „Jednota“. Turněr započnje so we 18 hodź.

Silwesterski běh w Budyšinje

Sportowe towarstwo Čerwjeno-běli Budyšin ma dotal za Budyski silwesterski běh 22 přizjewjenjow. Mjez tutymi je tež něhdyši profitriatlet Maik Petzold. W stadionje Młynkec łuka změja tři distancy w poskitku. Wot dopołdnja w 9.30 hodź. je planowane, zo so běharki a běharjo na čarach 2,5 km/5,3 km a 10,6 km wubědźuja.

Dypkowe koparske hry

21.11. 13:30 Kulow – LSV Hory

21.11. 14:00 Kamjenc – BSG Chemija

21.11. 14:00 Budissa II – Biskopicy II

22.11. 13:30 Ralbicy/Hórki – Wachau

22.11. 13:30 Łuty – Chrósćicy

22.11. 13:30 Radwor – Wjernarjecy

22.11. 11:30 Ralbicy/Hórki II – FC Łužica

22.11. 13:30 Njebjelčicy – Mar. hwězda

Anzeige