Ričel wupomhał

Montag, 25. Juli 2016 geschrieben von:

SJ Njebjelčicy

– ST Ćisk II 2:2

Za domjacych zasadźeni: D. Ričel (46. Hahn), Šołta, Deleńk, Kral, Hoelzel, Janca, Lejnart (60. Hanuza), Cyž, Fl. Ričel (70. Fr. Ričel), Čornak

Za wčera dopołdnja bě testowa partija přećiwo druhemu zastupnistwu z Ćiska dojednana. Hosćo prezentowachu so jako spěšny a technisce derje hrajacy cyłk. W 21. min. woni 0:1 nawjedowachu. Krótko po tym pak Robert Lejnart z derje wuhratymi wrotami wuruna (23.). Na woběmaj stronomaj běchu spěšne a rjane pasaže widźeć.

Hnydom po zasozahwizdanju docpě Florian Ričel po krasnej kombinaciji 2:1 (48.). Hosćo prócowachu so wo wurunanje. W 65. min. poradźi so jim to tež, přez zmylk w škitnym pasmje. Pola domjacych wupomha Frank Ričel, kotřiž běchu pobrachowacych ludźi dla w nuzy. Bjarnat Deleńk

Widźał, słyšał, napisał (25.07.16)

Montag, 25. Juli 2016 geschrieben von:
Awtor dźensa Ludwig Zahrodnik

Bórze zahaja so w brazilskim Rio de Janeiru Olympiske lětnje hry. Sportowcy z cyłeho swěta zetkaja so k sportowemu wubědźowanju a k mjezsobnemu zeznaću. Hižo na antikskich olympiskich hrach w Grjekskej knježeše zasada, zo maja za čas hrow brónje mjelčeć. Dźensa so hižo nichtó po tym nima. W Syriskej wojowanja dale póńdu, a zawěsće tež hrózbne terorowe nadpady njewomjelknu.

Sport (22.07.16)

Freitag, 22. Juli 2016 geschrieben von:

Wjesny swjedźeń a sport

Na wjesnym swjedźenju w delnich Sulšecach pola Kulowa tež sportuja. Dźensa wubědźuja so tam wot 17.30 hodź. wohnjowi wobornicy, starši hač 40 lět w hašenju. Jutře chcedźa wot 14 do 16 hodź. jědnatki třěleć. Za to je so 25 cyłkow přizjewiło.

Maja hišće swobodne městna

Sakski volleyballowy zwjazk poskića za wukubłanje sudnikow hišće swobodne městna. Kurs za volleyballowych sudnikow kategorije D započnje so 29. julija w Freibergu. Přizjewjenja su móžne pod www.ssvb.org sudnicy – zarjadowanja – wukubłanje.

Koparske testowe hry

22.07. 18:00 Kamjenc – Wismut Gera

23.07. 14:00 Budissa – Rudolstadt

23.07. 14:00 Chrósćicy – Ćisk

23.07. 15:00 Běła Woda – Kulow

24.07. 10:30 Njebjelčicy – Ćisk II

27.07. 18:30 Kamjenc – Biskopicy

Beachtura Satkule

Dalši beachvolleyballowy turněr młodeje žołmy Radija Satkula je přichodnu póndźelu w Pančicach-Kukowje. Hrać chcedźa tam wot 19 hodź. Za wulki turněr 22. awgusta w Miłoćicach hižo žane přizjewjenja móžne njejsu.

Płuwanski seminar

Horliwy trenar młodźiny a předsyda Radworskeho ST

Donnerstag, 21. Juli 2016 geschrieben von:

41lětny, z Łupoje pochadźacy Ingo Adam, předsyduje dwurěčnemu Sportowemu towarstwu 1922 Radwor a je runočasnje trenar wuspěšneje młodźiny A, kotraž twori hrajne zjednoćenstwo z ST 1896 Wulkej Dubrawu.

Wučeny monter za płun a wodu, přewza zastojnstwo předsydy Radworskeho ST před wosom lětami. Zasłužbny sportowy přećel Ingo Schulze bě tehdy nahle zemrěł. Swój aktiwny čas w dorosće měješe Adam we Wulkej Dubrawje a pozdźišo pola muži druheho mustwa w Radworju. Wuchodźujo so při tamnišim sportnišću wobkedźbowaše wón trenarja, kiž tam sam z dźěćimi trenowaše. A Adam jemu hnydom pomhaše. Tele dožiwjenje bě trajne.

Pančičenjo turněr dobyli

Mittwoch, 20. Juli 2016 geschrieben von:

Tež w Njebjelčicach su młodostni njedawno beachvolleyballowy turněr z wosom mustwami přewjedli. Wone běchu z Radworja, Nuknicy, Pančic-Kukowa, Chrósćic, Mi­łoćic, Serbskich Pazlic a Njebjelčic. Wosme zastupnistwo bě CTP-crew, štož su čłonojo młodźinskeho kluba­ Serbske Pazlicy/Njebjelčicy. Woni běchu turněr hłownje organizowali.

W skupinje A hrajachu Miłoćicy, Ra­dwor, Serbske Pazlicy a Njebjelčicy, w skupinje B Pančicy-Kukow, Nuknica, CTP-crew a Chrósćicy. W skupinje A so prěnje hry njerozsudnje skónčichu, tak zo bě wočiwidne, zo dyrbja so małke dypki ličić. Nawjedowali su Radwor kaž tež Serbske Pazlicy ze štyrjomi dobytymi sadźbami. Radworčenjo pak mějachu wjace małkich dypkow a so tak přesadźichu.

W skupinje B so wot wšeho spočat­ka pokazowaše, zo budźetej mustwje z Chrósćic a Pančic-Kukowa najlěpšej. W poslednjej hrě zetkachu so Chróšćenjo z volleyballistami z Pančic-Kukowa. Klóšterscy sportowcy móžachu so we woběmaj sadźbomaj přesadźić, a nastupichu w finalu přećiwo Radworjej.

Pózdnje dobyćerske wrota

Dienstag, 19. Juli 2016 geschrieben von:

FSV Budissa Budyšin

– FC International Lipsk 2:1 (0:1)

Zestawa domjacych: Große – Kolan, Patka, Pfanne, Heppner, Baudis (56. Hoßmang), Kloß (56. Klippel), Müller (56. Wockatz), Hermann (56. Barnickel), Němec (56. Šisler), Salewski (63. Müller)

Předposledni test koparjow Budissy Budyšin do starta noweje hrajneje doby wotmě so we Wjelećinje. Přećiwnik bě wyši ligist FC International Lipsk. Hižo loni běštej cyłkaj mocy měriłoj. Lipsk duel tehdy 1:0 doby, tónkróć pak chcyše to Budissa. Najebać lěpšiny Budyšanow pak hosćo hižo w 10. min. nawjedowachu. Günüstos bě zmylk wrotarja wužił. Nětko chowancy trenarja Linkerta ćišć zesylnichu, wšako nochcychu hižo zaso přěhrać. Dobre móžnosće pak wostachu najprjedy raz bjez wuspěcha. Wulka móžnosć skićeše so hišće do přestawki nowopřichadej Hermannej. Wón pak njezamó jědnatku přetworić (35.).

W druhim połčasu stupi hosćićel hišće bóle na płun. 1:1 pak poradźi so jemu hakle přez škitarja Patku (68.). Wězo chcychu Budyšenjo tež hišće dobyćerske wrota. Te docpě Hoßmang w 86. min.

Sentivan prěni nowopřichad

Dienstag, 19. Juli 2016 geschrieben von:

Miroslav Sentivan – mnozy koparscy fachowcy tele mjeno zawěsće z Budyšinom a Budissu zwjazuja. To je tež woprawnjene, wšako je sportowc z čěskeho Libereca wjele lět za Budissu w sprjewinym měsće za bulom honił. W lěće 2011 pak wón Budyšin­ wopušći, zo by swoje kopački pola Žołto-běłych Zhorjelc šnórował. A kaž to tak je, chcyše, prjedy hač je na hozdźik powěsnje, hišće jónu ze swojim dobrym přećelom Pavelom Runtom hromadźe­ hrać. Wón jeho tuž do Chrósćic na zhromadny trening přeprosy a naposledk wo přichadźe přeswědči. „Senti“, kaž jeho wołaja, je nětko hrajer w defensiwnym srjedźnym polu Chróšćanskeje SJ. Fabian Pöpel

Rekordna ličba přihladowarjow

Dienstag, 19. Juli 2016 geschrieben von:

Na štwórtej staciji beachtury młodeje žołmy Radija Satkula wobdźěli so wčera 15 mustwow.

Mustwo Dwójna nula z Pančic-Kukowa přesadźi so w finalu přećiwo Konječanam. 252 přihladowarjow je hry sćěhowało, kaž z Konjec zdźělichu. Hosćićeljo starachu so wo napoje a praženje kołbaskow, tak zo běchu hrajerjo a přiwisnicy derje zastarani. High­light wječora bě, zo móžachu so we wulkim samotwarjenym bazenku Konječanskeje młodźiny wochłódźić.

Katka Pöpelec

Budyšin. Na nadwokrjesnej runinje su koparske mustwa hižo wjacore kroki dale, dokelž započnje so nowa hrajna doba zdźěla hižo kónc julija. Nanajpozdźišo spočatk awgusta budu wšitke cyłki potom zaso połnje do winowatostnych hrow zapře­hnjene, pak w pokalnym kole Sakskeho koparskeho zwjazka pak w dypkowych partijach.

Zestajene su stafle wot regionalneje runiny hač na krajnu runinu zestajał, w kotrychž hraja mustwa z Łužicy. Krajna klasa, stafla wuchod ma njerunu ličbu, dokelž je Budissa Budyšin swoje druhe mustwo wotzjewiła.

Clemens Šmit

Regionalna koparska liga, sewjerowuchod

1. FC Lokomotiwa Lipsk (postupnik)

Berlinski AK 07

BFC Dynamo

FC Carl Zeiss Jena

FC Energija Choćebuz (zestupnik)

FC Hornja Łužica Neugersdorf

FC Schönberg 95

FC Viktoria 1889 Berlin

FSV 63 Luckenwalde

FSV Budissa Budyšin

FSV Union Fürstenwalde (postupnik)

FSV Wacker Nordhausen

Hertha BSC II

RB Lipsk II

SV Babelsberg 03

TSG Neustrelitz

AfB Auerbach

ZFC Meuselwitz

ličba mustwow: 18

start dypkowych hrow: 29. julija

wyša liga

BSG Chemija Lipsk

BSG Wismut Gera

Za měsac sport zaso móžny

Montag, 18. Juli 2016 geschrieben von:

Přijědźeš-li z Pěskec do Serbskich Pazlic, wuhladaš na prawej stronje puća małe sportnišćo, kotrež dwě lěće dołho wužiwać njemóžachu, dokelž tam twarja. Za Helenu Bětnarjec ze sportoweje redakcije Serbskich Nowin bě to přičina, so raz z předsydu Njebjelčanskeje SJ Bjarnatom Deleńkom rozmołwjeć.

Nowe sportnišćo w Serbskich Pazlicach přeco hišće njewužiwaja. Hdy budźe wone zaso přistupne?

B. Deleńk: Wotewrěć chcemy je tam we wobłuku wjesneho swjedźenja 13. a 14. awgusta. Tón kónc tydźenja budźe sportnišćo poswjećene, to rěka zo so wězo we wotpowědnej formje wšitkim sponsoram, dźěłaćerjam a sportowcam za podpěru dźakujemy. Zawěsće přewjedźemy tež hru dorosta abo snano samo mały turněr. To pak hišće njeje doplanowane. Na kóždy pad pak budźe sobotu koparski turněr wjesnych mustwow.

Kak budźe nowe sportnišćo wužiwane? Štó ma na nim hrać a trenować?

Anzeige