Pokiwy (06.09.16)

Dienstag, 06. September 2016 geschrieben von:

Porěči w cyrkwi

Kamjenc. Lyrikar, powědar a esejist Jörg Bernig z Radebeula změje jutře, 7. septembra, w 19 hodź. lětušu Kamjensku narěč w sakralnym muzeju swj. Hany. Narěč změje titul „Měj zmužitosć“ a wužiwa tuž hesło rozwětlerstwa, kotrehož mysle a potencial chce Bernig do kritiskeho rozestajenja wo tuchwilnych towaršnostnych problemach zapřijeć.

Socialne poradźowanje

Budyšin. Zapósłanc Sakskeho krajneho sejma Hajko Kozel (Lěwica) přeproša štwórtk, 8. septembra, na socialne poradźowanje do swojeho Budyskeho běrowa na Šulerskej 10. Zhromadnje z prawiznikom Gregorom Janikom, w socialnym prawje wosebje wobhonjenym, pomha wón problemy rozrisać, kotrež so často w socialnych prašenjach jewja. Pora­dźowanje wotměje so wot 13 do 15 hodź. a je tež w serbskej rěči móžny. Termin dojednać móža sej zajimcy pod telefo­nowym čisłom 03591/ 31 89 904.

Z partnerskim chórom

Pokiwaj (05.09.16)

Montag, 05. September 2016 geschrieben von:

Na kofej do muzeja

Budyšin. Na „Kofej w třoch“ přeproša Budyski Serbski muzej zajutřišim, srjedu, w 15 hodź. Wopytowarjam chcedźa njewšědny eksponat předstajić a restawrator Jan Bart porěči wo konserwatoriskich aspektach. Nimo zastupa do muzeja zběraja 1,50 eurow za pohosćenje. Zajimcy njech přizjewja so pod telefonowym čisłom 03591/ 27 08 70 17.

Kak kirbs předźěłać

Wojerecy. Cyle w znamjenju kirbsa steji­ přichodne zhromadne warjenje na Wojerowskej dźěćacej a młodźinskej farmje srjedu, 7. septembra, w 19 hodź. Přizjewjenja pod tel. čo. 03571/ 979 164

Po dwěmaj tydźenjomaj zakónči so zajutřišim, njedźelu, w Miłočanskej skale 10. mjezynarodna wuměłska dźěłarnička. Přez cyły­ dźeń móža sej tam zajimcy tež z wodźenjom přewšo kreatiwne wudźěłki, mjez druhim wot Alojsa Šołty, wobhladać. Přihotowali su organizatorojo wotměnjawy program. Hižo w 11 hodź. zahraje čěska dujerska kapała. Wot 15 hodź. předstaja so młodźi artisća z Budyšina, spěwarjej Mónika Klesec a Měrćin Weclich kaž tež jewišćowy lud „šula z klawnami“. Foto: SN/Maćij Bulank

Sudoku (02.09.16)

Freitag, 02. September 2016 geschrieben von:
Wudospołńće pobrachowace ličby slěda 1–9. Ličby smědźa so w kóždej wodorunej kaž tež padorunej špalće jenož jónu jewić. Wuhódanje z minjeneho tydźenja:

Jutře na wulět

Freitag, 02. September 2016 geschrieben von:
Pančicy-Kukow. Čłonojo Domowinskeje skupiny Pančicy-Kukow njech njezabudu na swój skupinski wulět jutře, sobotu, do Rogeńskeho parka. Bus wotjědźe w 7.45 hodź. wot busoweho zastanišća w Pančicach. Po puću pozastanu při Choćebuskim Serbskim domje. Po Rogeńskim parku wopytaja hišće šokolodowu fabriku w Lěšćach (Hornow). Bus so něhdźe w 19.30 hodź. nawróći.

Protyka (02.09.16)

Freitag, 02. September 2016 geschrieben von:

Pjatk 2. do 4.9.  Zetkanje awtow marki Käfer w Komorowje pola Wulkeje Dubrawy 

   Swjedźeń towarstwow w Šćeńcy

   Dworowy swjedźeń we Wulkoždźarowskim wu­dworu

  19:00 Koncert ansambla Wojerowskeho Lessingoweho gymnazija we Łužiskej hali

  19:30 Jubilejny koncert Noweje Łužiskeje filharmonije w Žitawskim dźiwadle

  20:00 Hrodowa nóc SLA na Jabubecec twjerdźiznje w Mortkowje

  20:00 Koncert z Michalom Müllerom & Janom Heinke w Małowjelkowskej sotrowni

Sobotu 3. do 4.9  Jěchanski a skakanski turněr w Holešowskej Dubrawce 

   Swjedźeń Mužakowskeje lěsneje železnicy při muzejowym­ dwórnišću w Běłej Wodźe

    Sportowanje w Małowjelkowskim prazwěrjencu

  11:00 Zwěrjencowy swjedźeń we Wojerecach

  14:00 Nadróžny swjedźeń na Budyskej Hošic hasy

  15:00 Łapanje kokota w Brjazynje a Dešnje

  15:00 Wotewrjenje wustajeńcy „Złamane kamjenje“ we Wojerowskim­ wobydlerskim centrumje

  14:00 Zazběh 1. Budyskich tydźenjow demokratije

  18:30 Swjedźeń swěčkow z hrodowym koncertom w Njeswačanskim parku

  19:00 Klasisko-rockowy koncert z Michalom Müllerom (na citerje) w Miłočanskej skale

  20:00 Hrodowa nóc SLA na Jakubecec twjerdźiznje w Mortkowje

Pokiwy (02.09.16)

Freitag, 02. September 2016 geschrieben von:

Tójšto hudźby na dróze

Budyšin. Wikowarjo wokoło Budyskeje Hošic hasy su dalši nadróžny swjedźeń spřihotowali, na kotryž su hosćo jutře wot 14 hodź. witani a hdźež móža tójšto dožiwić. Pódla budu Berlinska brassband, rejwanska šula Mühlmann z Budyšina, bubonowa skupina Big-Boom, kapała Łužičenjo, Hostakec trójka a dalši. Program zahaji juniorska kapała hudźbneho ćaha z Oberlichtenauwa.

Swjeća z połnej paru

Běła Woda. Jutře a njedźelu su zajimcy do Běłeje Wody na swjedźeń Mužakowskeje lěsneje železnicy přeprošeni. Prěni króć přeměni so areal kołowokoło muzeja lěsneje železnicy a wulkeje hale wopytowarskeho centruma blisko dwórnišća při Hatnej na swjedźenišćo. Spřihotowali su organizatorojo wotměnjawy jewišćowy program z pisanymi dźěćacymi atrakcijemi. Wězo pojědu na čarach do Kromole a Mužakowa prawidłownje tež parne lokomotiwy.

Na njewšědny koncert

Rozhłós (02.09.16)

Freitag, 02. September 2016 geschrieben von:

Njedźelu, hornjoserbsce

11:00 Łužica tutón tydźeń, mjez druhim wo temowym tydźenju „Za to trjebam jenož jenički dźeń“

11:20 15 lět Chróšćanski zběžk

11:45 Hudźba k njedźeli

12:00 Nabožne wusyłanje

 (Christoph Rummel) 

po tym zbožopřeća

delnjoserbsce

12:30 Aktualny magacin, mjez druhim wo šulskim zastupje

13:00 K 175. narodninam Antonína Dvořáka

13:30 Nabožne wusyłanje

 (Christiana Piniekowa)

po tym zbožopřeća

Biskop we Wuhladku

Freitag, 02. September 2016 geschrieben von:
Heinrich Timmerevers rěka nowy biskop Drježdźansko-Mišnjanskeje diecezy. Kónc awgusta bu 63lětny oficialnje do noweho zastojnstwa zapokazany. Tola štó nowy biskop je a što wo Serbach wě? Dwě prašeni to, na kotrejž chcedźa jutře, 3. septembra, we wusyłanju serbskeho tele­wizijneho magacina Wuhladko w 11.30 hodź. w telewiziji MDR wotmołwić. Dalša tema septemberskeho wudaća je přinošk wo žnjenskej krónje. Žně su nimale wotzamknjene. Za čłonow Chróšćanskeho towarstwa Domizna je to prawy čas, so zetkawaš a lětušu žnjensku krónu wić. Hižo trójce je so próca wudaniła a króna je sej stajnje prěnje městno na krajnej domchowance zawěsćiła. Budźe tež lětsa zaso wuspěšna? Filmowcy su wušiknym rukam při wiću přihladowali.

Poskića meditaciju

Donnerstag, 01. September 2016 geschrieben von:
Kamjenc. Zo by pacientow, sobudźěłaćerjow a dalšich zajimcow posylnjał, poskića dušepastyr Kamjenskeje chorownje maltezow swj. Jana Vincenc Böhmer wot tohole měsaca meditacije. „Dźe wo to, přirodne žórło mocy žiwjenja znowa wotkryć a wolóženje za ćěło, duch a dušu nazhonić“, wón praji. Skupinska meditacija wotměje so prěnje tři póndźele měsaca stajnje we 18.30 hodź. w kapałce chorownje. Poskitk je darmotny, dary pak su witane. Wuměnjenje je, zo móžeš hodźinu sedźeć.

Anzeige