Pokiwy (14.06.16)

Dienstag, 14. Juni 2016 geschrieben von:

Do parka pohladnyć

Smochćicy. Wosebite wodźenje po parku Smochčanskeho Domu biskopa Bena poskića jutře, srjedu, wot 18 do 20 hodź. Zajimcy zetkaja so při studni před hłownym twarjenjom. W bliskim lěsku z jeho słónčnym templom wočakuje wobdźělnikow hudźbno-kulinariska překwapjenka. Wšitcy su wutrobnje witani.

Socialne poradźowanje

Budyšin. Zapósłanc Sakskeho krajneho sejma Hajko Kozel (Lěwica) přeprošuje štwórtk, 16. junija, na socialne poradźowanje do swojeho Budyskeho běrowa na Šulerskej 10. Zhromadnje z prawiznikom Gregorom Janikom pomha wón při rozrisanju­ problemow, kotrež so husto w socialnych prašenjach jewja. Poradźowanje wotměje so wot 13 do 15 hodź. a hodźi so tež w serbskej rěči přewjesć. Termin dojednać móža sej zajimcy pod telefonowym čisłom 03591/ 31 89 904.

Kito Lorenc čita

Pokiwy (10.06.16)

Freitag, 10. Juni 2016 geschrieben von:

Wodźenje po wěži

Wojerecy. Hižo wot 6. junija wotměwa so we Wojerowskim Domje dr. Martina Luthera Kinga swjedźenski tydźeń. Wulkeho naprašowanja dla powjedu ludźi jutře a njedźelu, 11. a 12. junija, zaso po wěži. Zamołwići inženjerojo zwonoweho towarstwa „Zwony za Kingowy dom“ so składnostnje 50lětneho wobstaća ewangelskeje wosady we Wojerecach-nowym měsće na zajimcow wjesela. Jutře su połhodźinske wodźenja wot 18 hodź., njedźelu po kemšach wot 11 hodź. Małe skupiny měli so do toho w cyrkwinskim běrowje přizjewić.

Pryskanske wubědźowanje

Ralbicy. Z rańšim piwkom zahaji so zajutřišim w 10 hodź. w Ralbicach wohnjowoborny swjedźeń. Po zhromadnym kofejpiću z hudźbnym přewodom Ralbičanskich pozawnistow móža so dźěći wot 16 hodź. při pryskanskej sćěnje zabawjeć a so na skakanskim hrodźe wucychnować. Runočasnje zahaji so pryskanske wubědźowanje za wobydlerjow. Po 17 hodź. chce młodźinska wobora swoje hašenske zamóžnosće předstajić. Wot 21 hodź. su wšitcy přeprošeni, sej zhromadnje hru Němskeje přećiwo Ukrainje europskich koparskich mišterstwow wobhladać.

Wušła je CD oratorija „Wětrnik a časy“, kotruž jutře po koncerće w Chróšćanskej „Jednoće“ přepodadźa. W 17 hodź. spěwarki a spěwarjo chóra 1. serbskeje kulturneje brigady, komorny orchester SLA kaž tež kapała Malte Rogacki oratorij zanjesu. Hudźbny nawod změje Friedemann Böhme. Wón nawjedowaše minjenu srjedu tohorunja probu na žurli SLA. Foto: Stefan Cuška

Tipować a dobyć

Freitag, 10. Juni 2016 geschrieben von:

Zhromadna akcija Serbskich Nowin a Serbskeho rozhłosa

K lětušim mjeztym 3. koparskim mišterstwam europskich narodnych mjeńšin přewjedu Serbske Nowiny a Serbski rozhłós znowa zhromadnu akciju, při kotrejž móžeće něšto dobyć. Dyrbiće jeničce na dwě prašeni wotmołwić.

Swojej wotmołwje pósćelće pak z póštu na adresu:

Redakcija Serbskich Nowin

Sukelnska 27

02625 Budyšin

pak z e-mailku na: abo wotedajće swój tip w interneće. Pod www.serbske-nowiny.de/europeada namakaće trěbne formulary k tipowanju a wupjelnjenju. A štó wě, snano słušeće bórze k dobyćerjam.

Njezabudźće pak z tipom swoju dospołnu adresu podać. Njedospołne tipy njemóžemy bohužel wobkedźbować.

Tipujće sobu a dobudźće! Ze wšitkich prawych wulosujemy rjane myta z podpismami hrajerkow a hrajerjow koparskeju wubrankow. Na slědowacej prašeni maće wotmołwić:

 Kak daloko přińdźe Serbska koparska wubranka muži na lětušej europeadźe w Italskej?

o njepřetraje předkoło

o docpěje štwórćfinale

o nastupi w połfinalu

o docpěje finale

o dobudźe europeadu

Protyka (10.06.16)

Freitag, 10. Juni 2016 geschrieben von:
Dalše pokiwy na našej internetnej stronje www.serbske-nowiny.de

Pjatk 10. do 11.6.  Wodowe hry při Grodkowskim spjatym jězoru

 10. do 12.6  Rakečanski sportowy swjedźeń

   „LebensArt“ – wiki za zahrodu w Großharthauwje 

      Schiebockske dny w Biskopicach

 11. do 12.6.  Hrodźišćowy swjedźeń we Łahowje

  17:00 Dworowy swjedźeń w Choćebuskim Serbskim muzeju na Młynskej

Sobotu 11.6. 9:00 Dźeń wotewrjenych duri Budyskeje studijneje akademije

  14:00 14. dróhowy swjedźeń při Kamjenskich Klóšterskich wrotach

  16:00 Dołha nóc kultury w Budyšinje

  17:00 Předstajenje oratorija „Wětrnik a časy“ z přepo­daćom CDje w Chróšćanskej „Jednoće“

  19:30 Swjedźenske zarjadowanje składnostnje 35lětneho wobstaća Sportoweje jednotki Chrósćicy w tamnišej „Jednoće“

  19:30 Baletny wječor „Što zwostanje?“ w SLA

  20:00 Diskoteka kuntworow w Salowje

Njedźelu  12.6. 10:00 Wohnjowoborny swjedźeń w Ralbicach

  10:00 Serbski domizniski swjedźeń Wojerowskeje Janskeje­ wosady

  11:00 Testowa hra Serbskeje koparskeje wubranki žonow w Pančicach-Kukowje

  14:00 Wotewrjena pisarnja (k stotym posmjertnym narodninam Jurja Brězana) w Hornim Hajnku

Rozhłós (10.06.16)

Freitag, 10. Juni 2016 geschrieben von:

njedźelu hornjoserbsce

11:00 Łužica tónle tydźeń, mjez druhim z přehladom powěsćow

11:20 25 lět Zwjazk serbskich spěwarskich towarstwow

11:45 Burja a jědy na polach

12:00 Nabožne wusyłanje

 (Jan Malink)

po tym Zbožopřeća

delnjoserbsce

12:30 Aktualny magacin, mjez druhim wo młodej folklornej skupinje Serbska reja

13:00 Ja mam lubego – serbske lubosćinske spěwy

13:30 Nabožne wusyłanje

 (Christina Kliemowa)

po tym  Zbožopřeća

Do kina (09.06.16)

Donnerstag, 09. Juni 2016 geschrieben von:

9.6.– 15.6.2016 Budyski filmowy palast: Elsterglanz und der Schlüssel für die Weibersauna wšědnje 15:15 (nimo štw, pó a srj) 17:30 a 19:45 (nimo štw a nj), nj 19:30 | pj a so 22:00 Birnenkuchen mit Lavendel: pj, nj a wu 14:45 Warcraft: The Beginning w 3 D: wšědnje 17:00 a 19:30 | pj a so 22:00 Alice im Wunderland: Hinter den Spiegeln: wšědnje 14:45 (nimo štw, pó a srj), 17:00 (nimo pj a wu) a 19:30 (nimo nj) Angry Birds: wšědnje 15:00 (nimo štw, pó a srj) a 17:00 (nimo pó) | nj 12:45 X-Men: Apocalypse: wšědnje 19:15 (nimo pó) Money Monster: pj a sp 22:15 Alice im Wunderland: Hinter den Spiegeln w 3 D: pj a so 21:45 Bad Neighbors 2: pj a wu 17:00 Angry Birds w 3 D: so 14:45 Zoomania: nj 12:45 The Jungle Book: nj 12:45 Rico, Oskar und der Diebstahlstein: nj 12:45

Kino-ekstra: Raum: pó 17:15 a 20:15

Wojerowski CineMotion:

The Nice Guys: wšědnje 19:50 (nimo srj) | pj a so 22:20 Green Room: pj a so 22:25 X-Men: Apocalypse: wšědnje 19:30 Einmal Mond und zurück: wšědnje 15:20 a 20:05 | so a nj 13:15 Alice im Wunderland: Hinter den Spiegeln w 3 D: wšě­dnje 17:40 a 20:05 | pj a so 22:30 Alice im Wunderland: Hinter den Spiegeln: wšědnje 15:15 | so a nj 12:55 Warcraft: The Beginning w 3 D: wšědnje 15:00, 17:30 a 20:00 | pj a so 22:30 Angry Birds: wšědnje 15:25 | so a nj 13:20 Money Monster: wšědnje 17:35 (nimo srj) The Jungle Book w 3 D: so a nj 12:50 The Conjuring­ 2: srj 19:50 Im Himmel trägt man hohe Schuhe: srj 17:35

Pokiwy (08.06.16)

Mittwoch, 08. Juni 2016 geschrieben von:

Kurs serbšćiny za dorosćenych

Kulow. Zakładny kurs serbšćiny za staršich serbsce wuknjacych dźěći a dalšich zajimowanych dorosćenych zahaji so srjedź septembra w Kulowje. Wón wotměje so stajnje wutoru wot 19.30 hač do 21 hodź. Přizjewjenja přijimuje Rěčny centrum WITAJ w Budyšinje hač do 25. awgusta pod telefonowym čisłom 03591/ 550 400 abo e-mailnje pod adresu .

Termin wuprawy jasny

Budyšin. Lětuša wuprawa seniorow Serbskeho šulskeho towarstwa budźe wutoru, 20. septembra. Wobdźělnicy podadźa so do pólskeje Zieloneje Góry, zdźěli hłowny organizator Měrćin Krawc. W měsće a we wokolinje čakaja na wulětnikarjow pozbudźace zaćišće. Přeprošenje zajimcy sčasom dóstanu.

Zběraja podpisma

Budyšin. Za „Budyski apel“ – iniciatiwu wobydlerjow města, kotruž podpěruja SPD, Lěwica a wobydlerski zwjazk – chcedźa sobotu, 11. junija, wosebje wabić. Wot 11 hodź. budźe na Hłownym torhošću němsce, serbsce a arabsce po­pisana­ litfaska stać, na kotrejž móžeš z podpismom apel podpěrać.

Pokiwy (07.06.16)

Dienstag, 07. Juni 2016 geschrieben von:

Spominaja na Jurja Brězana

Budyšin. „Lěta běža přez protyki“ rěka zarjadowanje Ludoweho nakładnistwa Domowina k 100. posmjertnym narodninam Jurja Brězana. Wone wotměje so štwórtk, 9. junija, w 19.30 hodź. w Budyskej Smolerjec kniharni. Tam chcedźa na žiwjenje a literarne tworjenje najwliwnišeho serbskeho spisowaćela 20. lětstotka spominać. Organizatorojo wjesela so na bohaty wopyt.

Wustajeńca k stoćinam

Budyšin. „Kusk žiwjenja“ rěka kabinetna wustajeńca k 100. posmjertnym narodninam Jurja Brězana, kotruž wotewru jutře, srjedu, w 17 hodź. w Budyskim Serbskim muzeju. Program wuhotuja šulerjo­ Serbskeho gymnazija. Narěč změje Andrea Pawlikowa.

Pytaja pomocnikow

Budyšin. Rěčny centrum WITAJ pyta serbskich młodostnych, kotřiž bychu dwaj tydźenjej prózdninske dźěło w někotrych wuzwolenych pěstowarnjach wukonjeli. Jich ­nadawk je, so z dźěćimi serbskeje skupiny w serbskej rěči zaběrać. Dźěło budźe płaćene. Zajimcy, starši hač 16 lět, njech so hač do pjatka, 10. junija, w RCW pod telefonowym čisłom 035796 / 550 400 přizjewja.

Kedźbu, Serbja w stolicy!

Pokiwy (03.06.16)

Freitag, 03. Juni 2016 geschrieben von:

Jubilejny koncert ZSST

Budyšin. Składnostnje 25. róčnicy znowazałoženja Zwjazka serbskich spěwarskich towarstwow ( ZSST) wuhotuja chóry z Hornjeje, srjedźneje a Delnjeje Łužicy­ njedźelu, 5. junija, w 17 hodź. ju­bilejny koncert w Budyskim Něm­sko-Serbskim ludowym dźiwadle. Cyłk něhdźe 200 spěwarkow a spěwarjow zanjese sep najrjeńšich serbskich pěsnjow a cyle nowy medley z pjera dirigenta a předsydy ZSST Pětra Cyža. Hižo jutře, sobotu, we 18 hodź. koncertuje wulki zhromadny chór w Choćebuskej cyrkwi swj. Mikławša.

Dźěćacy swjedźeń w měsće

Budyšin. Dźěći ze swojimi staršimi, přiwuznymi a přećelemi su jutře wot 11 do 16 hodź. na měšćanski dźěćacy swjedźeń w Budyskej Strowotnej studni přeprošene. Na Maxa Planckowej, na­přećo wohnjowej woborje, móža holcy a hólcy na konju jěchać, z bulom na sćěnu třěleć a skatować. Tež sokoł, sowa & co so na majkanje wjesela. Někotre štučki zahrać chce Budyski młodźinski dujerski orchester. Zastup je darmotny.

„Dnej kamjenjow“ w parku

Anzeige