Pjatk 16.4. 17:00 Wirtuelna knižna premjera noweje dźěćaceje BOOKii-knihi LND „Powědaj mi wo počasach“

  19:00 Dołha nóc spirituelneje zwukoweje instalacije z psalmom 23 w Rakečanskej ewangelsko-lutherskej cyrkwi

  19:30 Hudźbny kabaret z Michaelom Renzom a Edgarom Mayjom w Slepjanskim Serbskim kulturnym centrumje

Sobotu 17.4. 10:00 Wuradźowanje Serbskeho sejma

Wutoru 20.4. 10:00 Wotewrjenje Budyskeho Serbskeho muzeja z wustajeńcu „Swoboda kiwa! Serbja a mjeńšinowe prašenje po 1918“

Srjedu 21.4. 17:00 Spominanje na Michała Rostoka w Husce

  18:00 Diskusija Konrada Adenaueroweje załožby „Młodźi­ a dynamiscy – Perspektiwy do přichoda za Serbow“, mjez druhim z předsydu Domowiny Dawidom Statnikom kaž tež z Helenu Hejduškec a Jakubom Wowčerjom z młodźinskeho towarstwa Pawk

Pjatk 23.4. 10:00 Swjatočne přepodaće pomnikoweje stele za Marju Grólmusec w Radworju

  18:00 Hłowna a wólbna zhromadźizna Kamjenskeje župy­ „Michał Hórnik“ w Chróšćanskej „Jednoće“

Sobotu 24.4. 19:30 Premjera hudźbneho dźiwadła SLA a NSLDź „Són swjatojanskej’ nocy“ na hłownym jewišću Budyskeho NSLDź

Digitalna single online

Chrósćicy. Skupina Holaski je nětko tež na diwersnych hudźbnych portalach prezentna. Kapała spřistupnja swoju lětsa wušłu single „Wódny muž“ mjez druhim na Spotify, Deezer a Amazon music. Lěpšina tajkich platformow porno přede­wšěm cyłkowne tworjenje jednotliwych wuměłcow wobkedźbowacymi internetnymi stronami je, zo hodźi so hudźba podobnje kaž w radiju naposkać a zo je poskitk – akceptuje-li připosłuchar wabjenje – darmotny. Na mjenowanych portalach nańdu zajimcy nimo toho tój­što­ dalšich serbskich interpretow, kaž na při­kład projekt Matotam kaž tež skupinje Berlinska dróha a Serbska reja.

Kandidatow namjetować

njedźelu hornjoserbsce

11:00 Łužica tutón tydźeń

11:20 Serbšćinu njezabyli

11:45 Historiske kamuški biskopstwa

12:00 Nabožne wusyłanje

(Gerat Wornar)

po tym zbožopřeća

delnjoserbsce

12:30  Aktualny magacin, mjez druhim z přinoškomaj wo serbskej abiturje 2021 a wo žarowanskej hudźbje na pohrjebach

13:00 Tematiske wusyłanje: Zorja – delnjoserbski rěčny projekt za dorosćenych

13:40 Nabožne wusyłanje

(Bernd Pittkunings)

po tym zbožopřeća

Ćežišćo přichodneho telewizijneho magacina „Łužyca“ je reportaža wo wo­zrodźenju serbskich pomjenowanjow w Strjažowje. Christian Matthée je sej tamniše statoki wobhladał a so jich wobydlerjow woprašał, hač a čehodla su so z akciju – snano – na přikładźe Dešnjanskich susodow orientowali.

Nimo toho rozhladowachu so tele­wi­znicy w Choćebuskej Witaj-pěstowarni „Villa Kunterbunt“ a jutře rozprawjeja, kak w dźěćacym dnjowym přebywanišću tuchwilne wužadanja zmištruja.

Slědowacy přinošk pedago­gisku temu tohorunja wobswětla. W srjedźišću steji prašenje, kak móhł kraj Braniborska serbskorěčne wukubłanje podpěrować.

Wědomosć a historiske hospodarstwo so w přichodnym wudaću „Łužycy“ hnydom dwójce jewitej. We wobłuku „Namakanki“ zarjaduja a posudźuja fachowcy stare pjenjezy, kotrež buchu z archeolo­giskimi slědźenjemi wědomostnikow kaž tež lajkow w regionje wotkryte. K tomu hodźi so rozprawa wo nowych dopóznaćach nastupajo „wikowanske drohi starych Słowjanow“.