Pokiwy (30.04.20)

Donnerstag, 30. April 2020 geschrieben von:

Bjez narunanja šmórnjene

Čorny Chołmc. Kóždolětny nalětni prěnjomejski swjedźeń w Čornochołmčanskim Krabatowym młynje dyrbja lětsa bjez narunanja šmórnyć. Tak njezměja tam koronawirusa dla prěni raz po lětach jutře žadyn pisany kultury program, žane reje a hudźbu kaž tež žane paslenje a zabawu za dźěći. Koronawirusa dla tam kóždolětne čaporowe wiki 2. a 3. meje tohorunja njebudu.

Prózdninski program wotprajeny

Budyšin. Muzej Budyšin je nimo lětušeje Dołheje nocy kultury w sprjewinym měsće tež swój prózdninski program wotprajił. Za meju planowanu wustajeńcu historiskich hrajnych kartow přestorča na oktober, a wosebitu wustajeńcu wotewru potom hakle klětu. Tuchwilu je drje měšćanski muzej koronakrizy dla hišće zawrjeny, nadźija pak je wulka, zo jón póndźelu, 4. meje, zaso wotewru.

Internetne seminary

Rozhłós (30.04.20)

Donnerstag, 30. April 2020 geschrieben von:

pjatk, 1. meje, hornjoserbsce

11:00 Powěsće, mjez druhim z alternatiwami w syći k mejestajenju

11:20 Jurij a Marja Cyžec a pólska tajna słužba

11:45 Nalětnja hudźba

12:00 Nětk meja nazeleni – wusyłanje do nalěća

delnjoserbsce

12:30 Postrow za dźěći, ludowědne wosebitosće 1. meje a zhladowanje na fararja a zběraćela ludowych pěsnjow Jana Boguchwała Markusa (1815–1880)

13:00 „Pój, wzmi sej kij!“ – hudźbne pućowanje po Łužicy

po tym hudźba tydźenja a zbožopřeća

njedźelu, 3. meje, hornjoserbsce

9:00 Boža mša z tachantskim fararjom Witom Sćapanom

11:00 Łužica tutón tydźeń

11:20 Meja měsac lubosće – pěseń lubosće w bibliji

11:45 Jakub a Matej so sadźitaj

12:00 Nabožne wusyłanje  (farar Christoph Rummel)

po tym zbožopřeća

delnjoserbsce

12:30 Postrow za dźěći a wo skutkowanju Heinzojc šwalčernje za čas koronakrizy

13:00 Tematiske wusyłanje: „Wo smjeću a smějkotanju“

13:40 Nabožne wusyłanje

 (Madlena Norbergowa)

po tym hudźba tydźenja a zbožopřeća

Korona dominuje

Donnerstag, 30. April 2020 geschrieben von:

Serbski telewizijny magacin Wuhladko njemóže so runja wšěm druhim tuchwilnej koronakrizy wuwinyć. Tohodla tež tale tema aktualne wudaće magacina zajutřišim, sobotu, w 11.45 hodź. dominuje.

Telewiznicy wěnuja so w swojim mejskim wudaću mjez druhim jutram w Serbach, kiž wšak běchu ze znateje přičiny cyle hinaše hač zwučene. Redakcija pak njepředstaji jenož někotre kreatiwne wašnja, kak su mnozy křižerjo poselstwo zrowastanjenja přiwšěm wozjewjeli, ale zhladuje tohorunja do stawiznow lětstotki stareho nałožka. Dalša tema je, kak Serbja, kotřiž zwonka domizny skutkuja, aktualny čas korony dla dožiwjeja a kak su lětsa serbske jutry swjećili.

Informować pak chcedźa 2. meje tež wo tym, kak z naležnosću wokoło korony na serbskich šulach wobchadźeja, hdźež wučbu poněčim zaso zahajeja, pruwowanja přihotuja a tež přewjeduja. Nimo toho chce Wuhladko pokazać, zo je kreatiwnosć w Serbach wjetša dyžli prjedy, a rozprawja wo někotrych zajimawych projektach. Chceće-li wědźeć, kotre to su, zapińće zajutřišim w 11.45 hodź. tele­wizor na sćelaku MDR. SN

Pokiwy (24.04.20)

Freitag, 24. April 2020 geschrieben von:

Dźeń zahrodnistwa njebudźe

Koćina. Wot dźensnišeho pjatka do 26. apryla planowane dny wotewrjeneho zahrodnistwa su wotprajene. Kaž Ko­ćin­ske Čórlichec zahrodnistwo našemu wječornikej zdźěli, je kaž nimale wšudźe koro­napandemija přičina za to. Tohodla tež móžno njebudźe Čórlichec swójsku zelowu kołbasku woptać, wottam rěka. Při­wšěm móža so kupcy w zwučenych wotewrjenskich časach pola Čórlichec w Koćinje a Kulowje – a to wot póndźele do pjatka w času wot 9–18 hodź. a sobotu wot 9–12 hodź. – wo najnowšich poskitkach wobhonić a so poradźować dać.

Nowy online poskitk SLA

Budyšin. Zajutřišim, njedźelu, 26. apryla, pokaza Serbski ludowy ansambl lětuši ptači kwas „Štóž so zwaži, tomu so ra­dźi“, a to w interneće. W 20.15 hodź. wusyłaja program z rejwarjemi, spěwarjemi a hudźbnikami SLA kaž tež z hóstnymi dźiwadźelnikami Helenu Bětnarjec, Anna-Mariju Bretschneiderec a Ignacom Wjeselu na Youtube-kanalu SLA. Město simultaneho přełožka do němčiny, kaž při live-programach z wašnjom, poskića w syći němske podtitule.

Seminar nětk w syći

Wot póndźele su mjeńše wobchody k wjeselu předewzaćelow kaž tež wšěch tamnych ludźi zaso wočinjene. Budyska Smolerjec kniharnja je tohorunja zaso w znatych časach přistupna. To kupcy, kaž tule Arnd Zoba, rady wužiwaja, měni nawodnica Annett Šołćic (naprawo). Wězo maja so wšitcy na předpisy dźeržeć, na kotrež w Smolerjec kniharni zdobom na plakatach skedźbnjeja. Připrawić chcedźa hišće stejak za desinfekciski srědk. Foto: SN/Hanka Šěnec

Kemše njedźelu znowa digitalnje

Freitag, 24. April 2020 geschrieben von:

Budyšin (SN). Poskitk, serbske katolske a ewangelske kemše digitalnje sćě­ho­wać, wěriwi derje přiwozmu. Njedźelu, 26. apryla, změja składnosć, katolsku ­Božu mšu přez livestream sobu dožiwić. Swjećić budźe ju farar Šćěpan Delan w 9 hodź. Serbski rozhłós kemše toho­runja wusyła. Tež ewangelskim wěriwym poskićeja wosady bohosłužby online, mjez druhim pod: www.youtube.com/channel/UClH_TtFPbZLy1hkvuPpGEWQ? view_as=subscriber a pod www.kirchgemeinde-bluno.de.

Dale skedźbnjeja fararjo serbskich wosadow na to, zo je mjeztym zaso móžno kemše w skupinkach hač do 15 wobdźělnikow wopytać. „Njech přińdu najprjedy ći, kotřiž su wotpowědnu intenciju skazali. To płaći tež za njedźelu“, rěka we wozjewjenjach Radworskeje kaž tohorunja Chróšćanskeje wosady.

Wosadni fararjo poručeja dale wšitkim katolskim wěriwym, hdyž njemóža so na Božej mši w cyrkwi wobdźělić a njemóža swjate woprawjenje přijeć, doma so sami modlić paćerjej z Wosadnika „Hdyž ke mši hić njemóžeš“ a „Duchowne swjate woprawjenje“.

Płastowka (24.04.20)

Freitag, 24. April 2020 geschrieben von:
1 jutrowny jěchar, 2 hornjołužiske město, 3 dirigent cyrkwinskeho chóra, 4 nazwučowar, 5 wjednik, 6 Gestell serbsce, 7 bohowka rańšich zerjow, 8 podaće na wobalce ­lista, 9 planet

Rozhłós (24.04.20)

Freitag, 24. April 2020 geschrieben von:

njedźelu hornjoserbsce

9:00 Boža mša z fararjom Šćěpanom Delanom

11:00 Łužica tutón tydźeń

11:20 Kónc wójny před 75 lětami: Podawki w Delanach

11:45 250 lět sotrownja Małowjelkowskeje Bratrowskeje wosady

12:00 Nabožne wusyłanje  (dr. J. Buliš)

po tym zbožopřeća

delnjoserbsce

12:30 Postrow za dźěći a aktualny magacin z dopomnjenkami na kónc wójny před 75 lětami

13:00 Kubojc swójba ze Strjažowa

13:40 Nabožne wusyłanje

 (Christina Kliemowa)

po tym hudźba tydźenja a zbožopřeća

Tuchwilna koronakriza a z tym zwjazane wobmjezowanje zjawneho žiwjenja na wotwožowanje spěrawych wotpadkow w Budyskim wokrjesu žadyn wliw nima. To wobkrući nam krajnoradny zarjad. Wotwožowanje wulkich smjećow maja ludźo přizjewić, tuchwilu dyrbja pak wužiwarjo tejele posłužby trochu sćerpnosće měć. Wšako bě w minjenymaj měsacomaj wjac přizjewjenjow. To njezadźiwa, wšak dyrbja ludźo koronawirusa dla doma wostać a tuž wone čas za wurumowanje wužiwaja. Foto: SN/Hanka Šěnec

Kemše njedźelu znowa digitalnje

Freitag, 17. April 2020 geschrieben von:
Budyšin (SN). Poskitk, serbske katolske ­a ewangelske bohosłužby digitalnje sćěhować, wěriwi derje přiwozmu. Tuž budźe tež njedźelu zaso składnosć, katolsku Božu mšu přez livestream slědować. Swjećić budźe ju farar Beno Jakubaš w 9 hodź. Serbski rozhłós kemše tohorunja wusyła. Tež ewangelskim wěriwym poskićeja wosady kemše online, mjez druhim pod: www.youtube.com/channel/UClH_TtFPbZLy1hkvuPpGEWQ?view_as=subscriber a pod www.kirchgemeinde-bluno.de.

Anzeige