Aus der aktuellen Ausgabe vom Dienstag, 02 März 2021

Drježdźany (SN/MiR). Sakske ministerstwo za kultus w kooperaciji ze sakskim krajnym towarstwom Škit domizny je wospjet slědźerske domizniske myto wupisało. Patronat ma kultusowy minister Christian Piwarz (CDU). W cyłku nałoža za to 9 000 eurow. Hač do 15. meje 2021 móža zajimcy swoje wudźěłki zapodać. Wusměrjene je wubědźowanje na čestno­hamtsce skutkowacych. Domiznowědne temy su „stawizny městow a wsow, regionow kaž tež kraja, kulturny kruh Serbow, ćěkanje a wuhnaće, migracija a mobilita; demokratija, měrliwa rewolucija, procesy transformacije, stawizny splahow kaž tež industrije a techniki, přiroda a wobswět, archeologija, wuměłske stawizny, ludowe wuměłstwo, ludowa narěč a wěda wo mjenach, wšědna kultura, kaž tež swjedźenje a nałožki“.

Kamjenc. Nalětnje wjedro sej lubić dać a při tym sej Kamjenc wotkryć, to je poskitk­ měšćanskeje rallyeje Muzeja zapadneje Łužicy. Radnicu, Hłowne tor­hošćo abo Čerwjenu wěžu kóžde dźěćo znaje. Něštožkuli pak maš dokładnišo wobkedźbować. Muzej zapadneje Łužicy je tuž měšćansku rallye naćisnył. Wotkryć měli sej pućowacy woh­njo­we domy, kotrež njebuchu při wulkim wohenju w lěće 1842 zničene, kaž tež městnosć, na kotrejž Lessing najradšo přebywaše. W małym kole po nutřkownym měsće so pohibować rěka wotmołwy na pra­šenja do flajera za­pisać. Z prawym słowom we wuhódanju je kóždy wobdźělnik na wulosowanju z małymi mytami wobdźěleny. Infor­mować móža so zajimcy w elementariju muzeja na Połčničanskej. Hač do 30. apryla rallye traje.

Mlóčnu kapalinu we wodźe našli

Hornja Kina. Policija pyta za zanjero­dźerjom wody. Zańdźenu sobotu běchu wohnjowi wobornicy w Hornjej Kinje na Ericha Klausnitzerowej mlóčnu kapalinu we wódnišću našli. Nablaku wutworichu tam wolijowu zawěru, zo njeby so ma­ći­zna dale wupřestrěła. Wobswětowy zarjad so z naležnosću dokładnišo zaběra.

Johanna Fieglerec, Constanze Pašcyna, Lydia Pešmanowa a Rejzka Rawšec (wotlěwa)Jörg Stephan (3), Tereza Wićazowa

Wolejbul je tež w Serbach dale a wob­lubowaniša sportowa družina. Nimo wólnočasnych mamy něko­tre aktiwne serbske mustwa, kotrež w dypkowych hrach pilnje­ wo dypki při wysokim saku­ a wo dobre­ zaměstnjenje w tabulce wojuja. Zo by so to poradźiło, spe­cializuja a wukmanjeja so jednotliwi hrajerjo na wěste pozicije. Dźensa předstajamy tule srjedźneho nadběhowarja/blokowarja.

Łužiske liški Běła Woda – Lawy Frankfurt 4:3 (1:2, 0:0, 2:1, 1:0)

Kak často su Běłowodźanske lodohokejowe liški w minjenych hrach tajku situaciju dožiwili? Gumijowu tačel při módrej liniji zhubja, přećiwnik wozmje sej puk a prasnje jón samlutki před wrotarjom do saka. Tójšto hrow su woni na te wašnje w zašłych tydźenjach přěhrali, minjeny pjatk pak runje na te wašnje k 4:3 w podlěšenskim času přetworichu a tak skónčnje zaso raz dobychu. Běše to prěnje domjace dobyće po jednym měsacu, jako běchu ze 7:3 přećiwo Bad Nauheimej wyskali.

Wuslědki 31. hrajneho dnja Němskeje lodohokejoweje ligi (DEL2)

Bayreuth Tigers – Bietigheim Steelers 7:4

Tölzske lawy – ESV Kaufbeuren 2:7

EV Landshut – LL Drježdźany 8:5

Lawy Frankfurt – EHC Freiburg 4:3

EC Bad Nauheim – Łužiske liški 2:3

EC Kassel Huskies – LP Crimmitschau 6:3

Ravensburg – Sokoły Heilbronn 1:3

Aktualna tabulka DEL2

1. EC Kassel Huskies  35   82

2. Bietigheim Steelers  37   65

3. EHC Freiburg  36   64

4. Lawy Frankfurt  33   59

5. Tölzske lawy  35   58

6. Ravensburg Towerstars  37   56

7. ESV Kaufbeuren  36   54

8. LP Crimmitschau  36   52

9. Bayreuth Tigers  36   44

10. LL Drježdźany  36   44

11. EV Landshut  35   43

12. Łužiske liški  37   43

13. Sokoły Heilbronn   34   40

14. EC Bad Nauheim  33   40

Jurij Bjeńš

Tydźenja su Serbske Nowiny wo tym rozprawjeli, zo je hrajna doba 2020/2021 w sportowej družinje wolejbul dočasnje zakónčena. Hladamy-li na tabulki w jednotliwych ligach Sakskeho wolej­buloweho zwjazka, potom napadnje, zo su někotre cyłki jenož jednu winowatostnu dypkowu hru přewjedli. Zdźěla­ so samo docyła wo dypki wubědźowali njejsu. W prěnim stołpiku steja stajnje absolwowane hry, w druhim sadźbowy poměr a w třećim ličba wuwojowanych dypkow.

1. SV 04 Plauen-Oberlosa 2 6 : 1 6

2. SC Freital 2 6 : 2 6

3. L.E. Volleys II 3 7 : 4 6

4. Volleys Dippoldiswalde 3 6 : 4 6

5. Motor Mickten 3 7 : 6 5

6. Drježdźanski SSV II 4 8 : 9 5

7. USV TU Drježdźany 4 7 : 8 5

8. Shatterhands Radebeul 3 7 : 7 5

9. TSV Lipsk 76 2 4 : 4 3

10. Postup Lichtenstein II 4 5 : 10 3

11. Póst Drježdźany 3 3 : 9 1

12. FSV Reichenbach 0 0 : 0 0

13. VV Žitawa 09 1 1 : 3 0

sakska liga mužojo

1. USV TU Drježdźany II 4 12 : 0 12

2. SV Reudnitz 5 12 : 4 12

3. VV Žitawa 09 5 10 : 8 9

4. GSVE Delitzsch III 5 10 : 9 8

5. Křižna šula Drježdźany 5 9 : 9 7

6. Volleys Markkleeberg 3 4 : 7 3

7. Eintracht Reichenbach 3 4 : 7 3

8. Póst Drježdźany 3 3 : 7 3

9. Motor Mickten 4 4 : 10 3

10. ST Kamjenica-Harthau 3 2 : 9 0

sakska klasa žony-wuchod

1. Drježdźanski SC III 4 12 : 0 12

2. ST Chróstawa 4 10 : 5 9

3. Motor Mickten II 4 7 : 9 5

4. CVJM Zhorjelc 3 5 : 6 4

5. Póst Drježdźany II 3 5 : 7 4

6. Drježdźany-Coschütz 1 3 : 1 3

7. JTVG Koblicy 3 4 : 7 3

8. MSV Budyšin 04 4 5 : 10 3