Aus der aktuellen Ausgabe vom Montag, 30 Januar 2023

Dyrbja Sokoljo 2 500 procentow wjac popłatka za sportownju płaćić?

Ralbicy-Róžant (JK/SN). Hižo loni narěča komornica zarjadniskeho zwjazka Při Klóšterskej wodźe, Franciska Čapikowa, kotraž tež financy gmejny Ralbicy-Róžant derje znaje, zo ma so popłatk za wužiwanje sportoweje hale w Ralbicach znowa rjadować. Pozadk je, zo ma gmejna, kotraž halu wobhospodarja, dźeń a wyše wudawki za halu.

Budyšin. Štóž ma zajim za dźěło w muzeju a je čućiwy we wobchadźe z objektami, móže so w Budyskim měšćanskim muzeju přizjewić. Tam pytaja čestnohamtskeju wosobow, jónu za na- a wot­twar wustajeńcow a jónu za hladanje prezencneje biblioteki. Zajimcy přizjewja so přez mailku na abo telefonisce pod 03591/534-910.

Krabatowe swjedźenske hry

Čorny Chołmc. Předań zastupnych lisćikow za lětuše Krabatowe swjedźenske hry so srjedu, 1. małeho róžka, w 9 hodź. započnje. Skazać móžeš – maksimalnje dźesać kartkow – pak internetnje pak te­lefonisce 0351 479 9794. Tiket płaći 45 eurow. Dźěći pod 10 lětami njesmědźa přitomne być. Je 15 předstajenjow mjez 5. a 23. pražnikom planowanych, kóždy raz w 20 hodź. 5,24 eurow płaćizny je ­na dobro zdźerženja młyna. Je móžno, sej ­tiket doma wućišćeć abo na šmóratku składować. Prěni raz so swjedźenske hry 2012 wotměchu, nawal je přeco ­wulki.

Drjewo sam pušćić

Prózdny dom so palił

Bukecy. Wuchowanske mocy, wohnjowa wobora a policija chwatachu sobotu wječor do Kołwazy. Tu bě z njewujasnjeneje přičiny k wohenjej prózdneho bydlenskeho domu dóšło. Wohnjowe wobory wokolnych gmejnow běchu z něhdźe 70 kameradami zasadźene a wojowachu přećiwo płomjenjam. Pomocnicy běchu wjacore hodźiny na městnje a móžachu woheń hakle njedźelu rano hašeć. Wosoby so njezranichu. K wysokosći škody ­tuchwilu žane dopóznaća njepředleža. Kriminalna policija je přepytowanja podhlada zapalerstwa dla zahajiła. Statok bu 2021 z nuzowanjom zrumowany a bu we wo­krjesu jako „dwór messiejow“ znaty.

Moped namakał

Wojerecy. Kedźbliwy wobydler informowaše sobotu dopołdnja policiju, dokelž steješe za wjaceswójbnym domom we Wojerecach na Käthe-Niederkirchskej dróze moped bjez zawěsćenskich znamješkow. Patrulja Wojerowskeho policajskeho rewěra poda so na městno a přepruwowaše žołty moped typa S 50. ­Wukopa so, zo bu tutón spočatk oktobra loni w Grodku pokradnjeny. Wjeselo pola wobsedźerja směło wulke być, hdyž ­móže swój moped bórze zaso přewzać.

Hižo před dwěmaj tydźenjomaj mějachu Radworscy koparjo treningowy zazběh do lěta 2023. To bě zdobom start do druheje połserije we wokrjesnej wyšej lize. Tuta započnje so 5. februara přećiwo mustwu Horni kraj Sprjewja.

Bulowa nóc – koparski turněr stareje koparskeje gardy – w Kamjenskej sportowej hali při lětanišću, bě so lětsa 20. raz wotměł. Zarjadowar a wuhotowar bě znowa Sportowe towarstwo Natwar Němske Pazlicy.

zestawa ST Marijineje hwězdy: Křesćan Korjeńk – Křesćan Bělk, Daniel Brückner, Daniel Bulank, Handrij Hejduška, Andreas Jander, Tobias Kubaš, Marcel Richter, Frank Schneider

Awtor dźensa

Jan Hrjehor

Stejach tydźenja w dospołnje přepjelnjenym sněhakowarskim busu čerwjeneje busoweje linije mjez čěskimaj sněhakowarskimaj arealomaj Pec pod Sněžku a Janske Laznje kaž jerij. W poslednim wokomiku bě so mi poradźiło, znajmjeńša jedne městno w starym Ikarusu dóstać. W jednej ruce mějach moje sněhaki, z tamnej spytach so při durjach busoweho šofera kruće dźeržeć. Wědźach tež, zo na busowych zastanišćach mjez najwjetšimaj sněhakowarskimaj arealomaj w Kyrkonošach wjele sobujěducych wulězć njebudźe. Tuž nastajich so na wosebitu jězbu, kiž měješe pozdźišo prěni dźěl dźensnišeje kolumny tworić. A njetraješe dołho, to skóncowachu so prědnje durje busa. Při spěšnosći 80km/h so wone wočinichu. Čěski snowboarder, kiž při nich steješe, měješe wulke zbožo, zo bě swoju desku a sebje samoho porjadnje kruće dźeržał. Wšo pikanje na knefle na armaturje busa ničo njepomhachu. Naš jězdźer dyrbješe po někotrych kilometrach jězby z wočinjenymi durjemi zastać a je reparować. Někak so jemu to tež poradźi.

kopańca, wyša liga muži

Neugersdorf – SC Freital 0:1 (0:0)

Plauen – Módro-běli Zorbau 6:2 (0:1)

B. Budyšin – Ludwigsfeldski KK 1:0 (1:0)

1. FC Eilenburg 16 30 : 16 32

2. VfL Halle  17 24 : 18 30

3. Biskopičanske KT 14 33 : 12 27

4. SC Freital 17 26 : 22 27

5. VFC Plauen 16 43 : 23 26

6. VfB Auerbach 18 23 : 18 26

7. SV Módro-běli Zorbau 17 34 : 30 25

8. VfB Kśišow 16 29 : 26 24

9. FC Jednota Wernigerode 16 30 : 30 22

10. SG Union Sandersdorf 16 15 : 22 20

11. FC An der Fahner Höhe 15 20 : 27 18

12. FC Grimma 15 19 : 17 17

13. Ludwigsfeldski KK 17 18 : 24 17

14. SV Westerhausen 15 22 : 33 17

15. FC Jednota Rudolstadt 15 22 : 27 16

16. Hor. Łuž. Neugersdorf 16 11 : 24 16

17. Wacker Nordhausen 16 19 : 34 15

18. Budissa Budyšin 16 18 : 33 15

regionalna liga muži

Bor. Berlin – Kamjeničanski FC 0:1 (0:1)

BFC Dynamo – ZFC Meuselwitz 2:1 (0:1)

Hertha BSC II – Lok Lipsk 1:2 (0:0)

Germ. Halberstadt – Lichtenberg  1:1 (1:1)

E. Choćebuz – Altglienicke 0:2 (0:0)

Viktoria Berlin – Carl Zeiss Jena 1:1 (0:1)

Chemija Lipsk – SV Babelsberg 1:1 (1:0)

1. FC Energija Choćebuz 17 37 : 17 33

2. FC Čerwjeno-běli Erfurt 16 37 : 14 32

3. Berlinski AK 17 27 : 16 32

4. Kamjeničanski FC 16 29 : 14 31

5. Lok Lipsk 16 29 : 21 29

6. BSG Chemija Lipsk 16 28 : 21 29

7. BFC Dynamo 18 28 : 24 29

8. FC Carl Zeiss Jena 18 23 : 13 28

9. VSG Altglienicke 17 36 : 23 27

10. SV Babelsberg 17 26 : 21 26

11. Greifswaldski KK 17 24 : 20 21

Rom (B/SN). Tři njedźele po smjerći bamža Benedikta XVI. je jeho kniha „Was ist das Christentum?“ spočatnje w italskej rěči wušła. W 16 přinoškach, poslednje su hakle 2022 spisane, wón wot stareho testamenta hač k dźensnišej formje Božich mšow wótrje argumentuje, Martina Luthera atakuje a poruča dialog z protestantami a muslimami. Kontrowersow njeje so bojał.

K jednoće namołwjał

Vatikan (B/SN). Na njedźeli słowa Božeho je bamž Franciskus před „njetrjebawšimi debatami“ warnował, namołwjejo sto při­tomnych biskopow a kardinalow katolskeje cyrkwje město toho k jednoće, zo bychu so na wo­­zjewjenje Božeje lubosće koncentrowali. Swjaty wótc podšmórny, zo je Jězus „hranicy rozpušćił“, a rjekny: „Boža miłosć je za wšěch a nic jeno za prawomyslnych.“

Zastojnske powyšenje