Cyłkownje 22 premjerow chce Němsko-Serbske ludowe dźiwadło 2018/2019 pokazać. Z „Orestiju“ Aischylosa a hóstnym wódnym baletom „Aqua“ stejitej njewšědnej produkciji na planje.

Budyšin (SN/bn). Na dnju wotewrjenych duri přichodnu njedźelu w Dźiwadle na hrodźe zahaji Budyske NSLDź hrajnu dobu­ 2018/ 2019. Tam chcedźa wujimki z nimale wšitkich nowych produkcijow sezony pokazać a tak zdobom załoženje hrajnišća před 15 lětami wuzběhnyć.