Nyšpor z wurywankami duchowneje hudźby

Donnerstag, 04. Oktober 2018
Artikel bewerten
(0 Stimmen)
 Katolski tachantski chór je minjenu njedźelu serial nyšporow z duchownej hudźbu zakónčił.  Foto: SN/Maćij Bulank Katolski tachantski chór je minjenu njedźelu serial nyšporow z duchownej hudźbu zakónčił. Foto: SN/Maćij Bulank

Budyšin (CRM/SN). Po mnoholětnej tradiciji wuhotowa Budyski cyrkwinski hudźbny direktor Friedemann Böhme z katolskim tachantskim chórom k zakónčenju seriala nyšporow z duchownej hudźbu minjenu njedźelu w tachantskej cyrkwi wosebity program. Tónraz zbudźichu wulku kedźbnosć twórby Johanna Gottfrieda Naumanna. Wón słuša do wuměłcow, kotřiž běchu swój čas jara znaći, po smjerći pak na nich ­bohužel bórze zabychu. Nětko dožiwjeja jeho twórby jako wurywanki renesansu.

„To běše zaso jónu wulkotne. Tajke něšto­ dotal hišće słyšeli njejsmy“, běše minjenu njedźelu po dobrej hodźinje hudźby a rozpominanja z wopytowarstwa słyšeć, ko­trež­ pjelnješe wulki Boži dom nimale hač dozady. W Drježdźanach 1741 rodźeny wróći so Naumann po studijach w Italskej do sakskeje rezidency. Młodemu hudźbnikej dowěrichu najprjedy zastojnstwo druheho komponista při Dwórskej cyrkwi a pozdźišo te wysoko dotěrowaneho kapałneho mištra a dwórskeho hudźbneho direktora.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND