Stawizniski přednošk hinaši hač w šuli był

Montag, 19. November 2018
Artikel bewerten
(0 Stimmen)
We Worklecach porěča dr. Jens Buliš wo poslednim sakskim kralu. K tomu zaspěwa Marek Rjelka z přewodom Christopha Rummela (wotlěwa).  Foto: Feliks Haza We Worklecach porěča dr. Jens Buliš wo poslednim sakskim kralu. K tomu zaspěwa Marek Rjelka z přewodom Christopha Rummela (wotlěwa). Foto: Feliks Haza

Worklecy (CRM/SN). „Serbja, jich kral a kónc monarchije před sto lětami“ běše minjeny štwórtk tema přednoška z wobrazami Chróšćanskeho kapłana a wurjadneho stawiznarja dr. Jensa Buliša na žurli něhdyšeho hrodu, kiž připosłu­charstwo putaše. Katolski duchowny Jakub­ Bart-Ćišinski zbasni 1878 „Kralowsku hymnu sakskich Serbow“, a ewan­gelski kantor Korla Awgust Kocor ju zhudźbni. Wšitke šěsć štučkow zaspěwa rodźeny Worklečan Marek Rjelka a Hodźijski farar Christoph Rummel jeho na e-pianje přewodźeše. „Serbja wšak nje­česćachu sej jeno swojeho sakskeho krala, ale pěstowachu zdawna tež ekumenu, a to prjedy, hač bě tutón wuraz docyła znaty“, dr. Buliš k tomu přispomni. Wón rysowaše dom Wettinow jako „swojim“ Serbam přichileny, mjeztym zo bě to ­pola Hohenzollerow w Braniborskej cyle hinak, rěčnik doraznje wobkrući. Tež klóštraj­ Marijina hwězda a Marijiny doł běštej přez krala před sekularizaciju ­škitanej, ale Nowa Cala, jenički klóšter w Delnjej Łužicy (z kotrehož přińdźechu mjez druhim cistercienscy rjadnicy za hnadowne městno Róžant) bu zběh­njeny.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND