Jan Skala před 75 lětami zemrěł

Mittwoch, 22. Januar 2020
Artikel bewerten
(0 Stimmen)
Serbski žurnalist a publicist Jan Skala je 22. januara 1945 žiwjenje přisadźił. Serbski žurnalist a publicist Jan Skala je 22. januara 1945 žiwjenje přisadźił.

Serbski patriot, poet a politikar Jan Skala narodźi so 17. junija 1889 w Njebjelčicach a zemrě na tragiske­ wašnje dźensa před 75 lětami w pólskich Dziedzicach. Z krótkim žiwjenjopisom jeho tule­ wopominamy­.

Staršej, skałar Jakub Skala a šwalča narodneje drasty Marja, rodźena Glawšec, njeběštaj swojemu synej Janej ani materielnu bohatosć ani towaršnostne priwilegije, za to pak křesćanske hódnoty a lubosć k serbskemu ludej na puć žiwjenja sobu dałoj. Často formowaše wón z mjenowanymi hódnotami zwjazane ideale a žedźenja w serbskich basnjach; prěnje wozjewjenja slědowachu 1910 w časopisu „Łužica“. Dźesać lět pozdźišo wozjewi Skala wjacore basnje w zběrce „Srjódki“. W lěće 1923 wuńdźe dalša zběrka „Škrě“. Třeći zwjazk basnjow, lěta 1937 za ćišć přihotowany, z mjenom „Barbojte kamuški“, njebu hižo wozjewjeny a je so bo­hužel zhubił. Přičina njewuchadźenja su znate zakazy wšeje serbskosće přez nacionalsocialistow.

Veröffentlicht in Kultura

Galerie

dalši wobraz (1) Jan Skala ma tule swojeho wnučka Pe tera Kroha na łónčku. Foto: z wobsydstwa Petera Kroha
Bitte anmelden, um einen Kommentar zu posten

Serbska debata

Neuheiten LND