Twórc pomjatneje tafleza Alojsa Andrickeho njebohi

Mittwoch, 21. September 2022
Artikel bewerten
(1 Stimme)
Lěta 1984 wot Wernera Juzy stworjeny koporowy relief Alojsa Andrickeho pyši wopomnišćo na bywšej cyrkwinskej šuli, dźensnišim gmejnskim zarjedźe w Radworju. Foto: Trudla Malinkowa Lěta 1984 wot Wernera Juzy stworjeny koporowy relief Alojsa Andrickeho pyši wopomnišćo na bywšej cyrkwinskej šuli, dźensnišim gmejnskim zarjedźe w Radworju. Foto: Trudla Malinkowa

Sakski wuměłc Werner Juza we wysokej starobje zemrěł

Do mnohich wopomnišćow, kotrež dopominaja na kapłana Alojsa Andrickeho, słuša wulkoformatowa pomjatna tafla při jeho ródnym domje w Radworju. Na bywšej cyrkwinskej šuli, na kotrejž bě so měšnik 1914 do wučerskeje swójby narodźił, wotkrychu wopomnišćo składnostnje jeho posmjertnych 70. narodnin w lěće 1984. Do kopora ćěrjeny reliefowy wobraz bě w nadawku hłowneho předsydstwa strony CDU stworił moler a grafikar Werner Juza z Wachauwa pola Radeberga. Nětk je wuměłc 25. awgusta w starobje 98 lět zemrěł.

Werner Juza słušeše k wuznamnym sakskim tworjacym wuměłcam. W lěće 1924 bě so w Rodewischu we Vogtlandźe narodźił. Swój 1941 zahajeny studij architektury dyrbješe wójny dla po krótkim času zaso spušćić. Jako wojak w Ruskej a na zapadnej fronće dožiwi, kak móže čłowjek wšě etiske hódnoty zhubić a so ze zaničowanskej mašinu stać. Tute nazhonjenja jeho čas žiwjenja přewodźachu, jeho swětonahlad a jeho tworjenje wobwliwowachu.

Veröffentlicht in Kultura

Galerie

dalši wobraz (1) Werner Juza we Wachauwje pola Radeberga w lěće 2018 Foto: René Plaul/ORLA e.V.
Bitte anmelden, um einen Kommentar zu posten

słowo lěta 2022

Anzeige