Berlin (dpa/SM). Hladajo na powěsće wo stajnje nowych žołmach horcoty, njewjedrach a lěsnych wohenjach žada sej strona Lěwicy hnydomny program 100 miliardow eurow za škit klimy. Z nim móhli wobydlerjow lěpje škitać. Trěbne su masiwne inwesticije w železnicy a w zjawnym bliskowobchadźe, zo móhli wustork klimje škodźacych maćiznow znižić, rjekny městopředsyda strony Lorenz Gösta Beutin powěsćerni dpa. Trěbne su w tym zwisku tež naprawy, kotrež su spěšnje přesadźomne, kaž spěšnosć 120 na awtodróhach, 80 na dróhach zwonka městow a 30 w městach, sej politikar žada.

Berlin (dpa/SN). Hladajo na dobre wuslědki woprašowanjow za AfD žadaja sej dźěłodawarjo a rjemjeslnicy Němskeje wot tamnych politiskich stronow eficientnu politiku na dobro srjedźizny towaršnosće. „Dobre wuslědki woprašowanjow za AfD zludaja mje wosobinsce, ale tež jako předewzaćela“, rjekny prezident zwjazka dźěłodawarjow Rainer Dulger powěsćerni dpa. Prezident centralneho zwjazka rjemjesła Němskeje Jörg Dittrich namołwja, zo njesměli strony na kromach towaršnosće ludźi pohnuć, zakłady zhromadneho žiwjenja w towaršnosći do prašenja stajeć.

Dulger je sej wěsty, zo dyrbjeli so zamołwići z njespokojnymi wobydlerjemi rozestajeć. AfD ma nastupajo škit klimy, wobchad a migraciju politiski poskitk, kiž nochce žane změny. To narěči wolerjow, kotřiž su wot chabłacych politiskich stronow přesłapjeni, Dulger rjekny. „Woprašowanja nas namołwjeja, so zaso bóle srjedźiznje towaršnosće wěnować. Wona je nošny stołp našeje zhromadnosće. Ju zanjechać, je jara strašne.“

Towarstwo Rebelow Hórnikečanskeho jězora je njespokojom z tym, kak při něhdy woblubowanym wočerstwjenišću mjez Wulkimi Ždźarami, Koblicami a Mučowom saněrowanje pokročuje, kelko pjenjez to wšo płaći a kak dołho ma jězor hišće zawrjeny wostać. Tónle hněw móžu derje rozumić. Před lětami běch so tam sam hišće kupał, sym z kolesom wokoło jězora jěł a sej při jednym z wjacorych předawanišćow zakuskow přestawku popřał. Mjeztym su tam nimale dospołnu infrastrukturu wotstronili, njeličomne štomy pušćili a kupanje znjemóžnili. Njejsym drje hórnistwowy fachowc, ale prašam so, čehodla so při jězoru lětdźesatki ničo stało njeje a móžachu so ludźo bjezstarostnje wočerstwić, nadobo pak bě runje to žiwjenja strašne a dyrbjachu so dźesatki milionow eurow nałožować, zo móhli jězor saněrować. Njejsym sej wěsty, čeje zajimy stejachu tu w srjedźišću, ale te dowolnikow a stanowarjow to zawěsće njeběchu. Marian Wjeńka

Serbske Nowiny wudawaja so w Domowina-Verlag GmbH Ludowym nakładnistwje Domowina 

Jednaćel: Syman Pětr Cyž

Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.

Šefredaktor a zamołwity redaktor w zmysle

nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238

tel.: 03591 / 577 232 faks: 03591 / 577 202 e-mail:  www.serbske-nowiny.de

Adresa redakcije a nakładnistwa: Sukelnska 27, 02625 Budyšin

Adresse der Redaktion und des Verlages: Tuchmacherstraße 27, 02625 Bautzen

Zamołwita za rozšěrjenje: Manja Bujnowska 577 262

Předań nawěškow: Janka Rögnerowa 577 220 e-mail:

Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory

Vertriebskennzeichen: 2 B 2560 B