Sport (12.11.21)
Koparske hry z prašakom
Kaž su medije hižo wčera wozjewili, bě předsydstwo Zapadołužiskeho koparskeho zwjazka wobzamknyło, zo tónle kónc tydźenja a nětko tež přichodnej (to je nowe) w starobnych klasach žony, mužojo a w młodźinomaj A a B žane winowatostne koparske dypkowe hry njebudu. Hinak je to na krajnej runinje. Tam smě wyši ligist Budissa Budyšin dźensa w 19 hodź. w pokalnym kole w Markranstädće hrać, a SJ Chrósćicy nastupi w krajnej klasy njedźelu doma w 14 hodź. přećiwo Rotaciji Drježdźany. Dypkowa partija mjez koparjemi z Ćiska a Rakec bu hižo wotprajena. Pola wšitkich hrow, kotrež smědźa so přewjesć, pak steji hač do zahwizdanja wulki prašak.
Worklečenjo wospjet doma hraja
Prěnje wolejbulowe mustwo muži Viktorije Worklecy přewjedźe jutře, sobotu, w swójskej hali přećiwo hosćom z Mišna a Koblic winowatostnu hru w sakskej klasy. Hrajerjo dyrbja nowe škitne postajenja dodźeržeć.
13.11. 12:00 Viktoria Worklecy –
ST Coswig-Mišno
13.11. 12:00 Viktoria Worklecy –
Volleys Koblicy
20.11. 14:00 Viktoria Worklecy –
Viktoria Worklecy II (ž)
20.11. 14:00 Viktoria Worklecy –
VV Žitawa 09 II (ž)
25.11. 19:30 ST Marijina hwězda –
Worklečanki dale na čole tabulki
Tabulka wobwodneje ligi, stafla 2
1. Viktoria Worklecy 4 12 : 2 11
2. ST Kupoj-Nowa Łuka 4 9 : 4 9
3. TSV Kundraćicy 4 11 : 5 9
4. Viktoria Worklecy II 4 6 : 10 4
5. Módro-běłe Wojerecy 4 3 : 11 2
6. VV Žitawa 09 II 4 3 : 12 1
Prěnje zastupnistwo wolejbulistkow Viktorije Worklecy poda so minjenu sobotu do ćěłozwučowarnje Lessingoweho gymnazija we Wojerecach. Tam nastupi prěni přećiwo druhemu tabulki. Hosćom njebě tón kónc tydźenja trenar poboku, tuž mějachu Worklečanki čoło tabulki same zakitować.
ST Kupoj-Nowa Łuka – Viktoria Worklecy 0:3 (10:25, 17:25, 14:25)
Za prěnje zastupnistwo Viktorije Worklecy zasadźene běchu: Anja Biela, Johanna Fieglerec, Marina Köhlerowa, Stefanie Köhlerowa, Jana Kralec, Jennifer Otto, Rejzka Rawšec, Anita Salowskec.
Započatk bě drje wurunany, poněčim pak móžachu Worklečanki swój jasny předskok natwarić. To poradźi so jim wosebje ze sylnej seriju nadaćow. Kupoj-Nowa Łuka měješe ćeže z tym wobchadźeć. Tuž njebě jim móžno nadběhi prawje natwarjeć. Tež přetorhnjenje při 4:8 a 4:16 tomu njepolěkowaše. Hosćo w swojim rytmusu dale hrajachu a zawěsćichu sej prěnju sadźbu z jasnym 25:10.
Wuslědki (11.11.21)
Kopańca, krajna klasa
Rěčicy-jězor – Ćisk2:2 (0:0)
Drježdźanski SC – Žitawa 0:1 (0:0)
wokrjesna wyša liga
Wachau – Wojerowski FC 1:4 (0:3)
Póst Budyšin – Hnaš.-Dobruša 2:4 (1:2)
Łaz/Běły Chołmc – Hory 0:1 (0:1)
Kulow – Połčnica4:1 (0:1)
Biskopicy II – Ralbicy/Hórki 2:1 (2:1)
Porchow – Horni kraj-Sprjewja wupad
Kinspork/Łužnica – Großröhrsd. wupad
Großnaundorf – Němske Pazlicy 2:2 (1:1)
wokrjesna klasa, stafla 3
Łaz/Běły Chołmc II – Ralbicy II 0:3 (0:1)
M. Wosyk/Panč. II – Něm. Pazl. II 1:3 (0:1)
Lubuš II/Wětn.-Hola – Porchow II 1:4 (1:3)
Běła/Cunnersdorf/Němske Pazlicy III – Njeswačidło2:3 (0:3)
1. Sokoł Ralbicy/Hórki II 8 27 : 7 22
2. ST Němske Pazlicy II 8 39 : 8 21
3. Módro-běli Njeswačidło 8 26 : 18 13
4. HZ Halštrow/Hlinowc II 7 17 : 11 12
5. HZ Hory II/Bluń 8 24 : 20 12
6. HZ Běła/Cunnersdorf/
Němske Pazlicy III 7 15 : 13 10
7. HZ Łaz/Běły Chołmc II 8 13 : 20 10
8. Lubuš II/Wětnica-Hola 9 14 : 22 10
9. HZ Mały Wosyk/Panč. II 8 7 : 20 5
10. SJ Njebjelčicy II 7 12 : 22 4
11. ST Porchow II 8 11 : 44 4
Wot wjesneho mustwa do wyšeje klasy
K stawiznam Sportoweje jednotki Chrósćicy podawa Jan Macka pjaty a zdobom posledni dźěl
Sportowa jednotka Chrósćicy swjeći lětsa 40. róčnicu wobstaća. Nimo toho maja w Chrósćicach hišće dalši jubilej. 1931 hraješe Chróšćanske koparske mustwo pod mjenom Segelflugverein, pozdźišo tež pod mjenom Sokoł. Wot 1934 bě to na tři lěta DJK Chrósćicy. Tale a cyła powójnska kopańca hač do 1990 je w Sokołskich Listach z lěta 1994 wopisana.
Dypkownje ke kermušnemu kofejej doma byli
Sakska klasa mužojo – stafla wuchod
1. Módro-běli Wojerecy 4 12 : 6 10
2. Viktoria Worklecy 4 9 : 4 9
3. VfL Pirna-Copitz 07 4 9 : 5 9
4. Drježdźanski SSV II 4 8 : 8 5
5. ST Łužnica 2 5 : 4 4
6. MSV Budyšin 04 2 4 : 4 3
7. Motor Mickten II 2 3 : 3 3
8. Volleys Koblicy 2 3 : 6 1
9. ST Coswig-Mišno 4 5 : 12 1
10. Póst Drježdźany II 2 0 : 6 0
Wolejbulisća Viktorije Worklecy ani jednu sadźbu njepřěhrali
Za Worklecy hrajachu: Beno, Jakub a Ławrjenc Bobka, Clemens a Ludwig Eckert, Maks Jurak, Jurij Lipič, Marcel Rjelka, Józef Šnajder, Daniel Wałda a Šćěpan Wjeńka; poradźowar mustwa Mato Eckert.
Viktoria Worklecy – Póst ST Drježdźany II 3:0 (25:22, 25:12, 25:6)
Radworski cross je dorostł
Wosomnaće bě pospytow, šěsnaty raz so poradźi. Po lońšej koronowej přestawce móžachu zamołwići Budyskeho kolesowarskeho towarstwa, Radworskeje gmejny a tamnišeho kupoweho towarstwa wčera tydźenja zaso kolesowarjow a běharjow na swojej tradicionalnej crossowej čarje witać. Pod 3G-wuměnjenjemi drje njebě z wobdźělniskim rekordom ličić, tola wjace hač 170 sportowacych njeda so wottrašić. Při krasnym wjedrje běchu wubědźowanja 1. běha srjedźoněmskeje serije GUNSHA-cross-challenge spěšne a z blakami trochu próšne.
Pjate wrota dobyćerske byli
ST Nadrózna Hrabowka –
SJ Njebjelčicy 4:5 (2:2)
Zestawa SJ Njebjelčicy: Hahn – Reinecke, Kral, Šołta, Hanuza, Matješk, Pawlik, Hrjehor, F. Domš (75. Malaškin), O. Domš, Korjeńk (81. Bergmann)
Widźał, słyšał, napisał (08.11.21)
Na lětušich Olympiskich lětnich hrach w Tokiju steješe w modernym pjećiboju Němka po štyrjoch disciplinach cyle prědku. Pjata disciplina je stajnje jěchanje z konjom, kotrehož hakle 20 mjeńšin do wubědźowanja zeznawaš. To je wulke wužadanje a zdobom wěste riziko. Jedyn z najnjepřijomnišich wuslědkow tajkeje kombinacije je Němka Anika Schleu dožiwiła. Kóń njeje na nju słuchał a skepsa jej dobry předskok za złotu medalju. Haj, wjedźeše samo tak daloko, zo je so Schleu hač na 31. městno sunyła. Žana medalja, ničo. Tajke něšto so nětko najskerje wjace njestanje. Minjenu srjedu su prěnje jendźelske nowiny mjenujcy pisali, zo njebudźe jěchanje wjace wobstatk wubědźowanja. A štwórtk je to swětowy zwjazk UIPM oficialnje wozjewił. Nowiny z Wulkeje Britaniskeje tukaja na to, zo město toho kolesowanje do discipliny wozmu. To rěka, zo sportowcy potom nimo płuwanja, tesakowanja a kombinacije běhanje/třělenje tež kolesuja. To klinči tak zajimawe, zo bych to sam rady raz wuspytał. Dajmy so překwapić, hač kolesowanje woprawdźe přiwozmu.
Wuslědki (08.11.21)
Kopańca, wokrjesna liga stafla 2
W. Dubrawa – Hórnikečanski jěz. 4:0 (2:0)
Wósl./Skask./Kul. II – Malešecy 1:5 (0:4)
Rakečanske ST II – Lubuš 2:1 (1:0)
Hlinowc – Łuty3:1 (0:1)
Radwor – Chrósćicy IIwupad
Nadr. Hrabowka – Njebjelčicy 4:5 (2:2)
Minakał – Wojerowski FC II 2:4 (2:3)
Sport (05.11.21)
Koparski derby w Radworju
06.11. 12:00 HZ Łaz/Běły Chołmc II –
Sokoł Ralbicy/Hórki II
06.11. 13:00 Budissa Budyšin –
FC Carl Zeiss Jena II
06.11. 14:00 Radebeulski BC 08 –
Jednota Kamjenc
06.11. 14:00 Rakečanske ST –
FSV Wódrjeńca 02
06.11. 14:00 Sachsenwerk Drježdź. –
SJ Chrósćicy
06.11. 14:00 Módro-běli Kulow –
TSV Połčnica
07.11. 12:00 HZ Halštrow/Hlinowc II –
SJ Njebjelčicy II
07.11. 14:00 Biskopičanske KT II –
Sokoł Ralbicy/Hórki
07.11. 14:00 ST Radwor –
SJ Chrósćicy II
07.11. 14:00 ST Nadrózna Hrabowka –
SJ Njebjelčicy
Dźensa lodohokejowy derby
Ze seriju štyrjoch dobyćow podadźa so Lodowe lawy z Drježdźan dźensa na lód. Woni nastupja w 19.30 hodź. přećiwo Łužiskim lodohokejowym liškam z Běłeje Wody. Pjaty DEL 2 wočakuje wosmeho. Njedźelu w 17 hodź. změja Liški potom zaso domjacu hru. Do Łužicy přijědźe druhi tabulki Ravensburg Towerstars.
Worklečanki dwójce na parkeće
Wolejbulistki prěnjeho a tež druheho mustwa Viktorije Worklecy nastupja jutře na dwěmaj rozdźělnymaj městnomaj. Prěnja šestka pojědźe do Wojerec a hraje tam wot 14 hodź. přećiwo holcam z Kupoje Noweje Łuki a druhe holče mustwo dyrbi do Habrachćic, zo by tam w 14 hodź. přećiwo cyłkej z Kundraćic nastupiło.
