Kijew (dpa/SN). Po informacijach policije je dźensa blisko Kijewa ukrainski nutřkowny minister Denys Monastyrskyj smjertnje z helikopterom znjezbožił. Njezbožo ze znajmjeńša 16 mortwymi sta so w małoměsće Browary, zdźěli policajski šef Ihor Klymenko dźensa na socialnej syći Facebook. Mjez mortwymi staj tež zastupowacy nutřkowny minister Jehwhenij Jenin a jeho statny sekretar.

Padustwo wujasnjene

Drježdźany (dpa/SN). Nětko je wěste, zo su čłonojo Berlinskeho Remmo-clana juwele z historiskeho Zeleneho wjelba w Drježdźanach pokradnyli. Třo ze šěsć wobskorženych w procesu na Drježdźanskim krajnym sudnistwje wokoło zadobywanja w nowembru lěta 2019 su wčera přiznali, zo su čłonojo clana padustwo planowali, přihotowali a přewjedli. Tohorunja wopisachu detaile spektakular­neho pada. Proces zajutřišim pokročuje. Na nim chce dalši wobskorženy swoje stejišćo wozjewić. Tohorunja su dalše naprašowanja předwidźane.

Zyma so nawróćiła