ST Horni kraj/Sprjewja –

Sokoł Ralbicy/Hórki 0:1 (0:0)

Zestawa hosći: Schöne – Wałda, P. Woko, B. Heidorn, Miławšk, Gloxyn, Mjechela (62. Korjeńk), Rachela, Bejmak (69. Domaška), Hicka (62. R. Šnajder), N. Šnajder

Sokoł bě porno předposlednjemu tabulki jasny faworit. Tola hosćićeljo z Hornjeho kraja běchu tydźenja přećiwo Póstej Germaniji Budyšinej njerozsudnje 1:1 hrali. Tuž běchu Sokoljo warnowani.

Spočatnje wotmě so hra mjez šěsnatkomaj a šansy běchu rědke. W 23. min. dósta Pawl Rachela bul do haski tyknjeny a přezběhny přispěchaceho wrotarja. Nažel pak jeho pospyt wrota wo centimetry misny. Roman Mjechela a Niklas Šnajder měještaj w dalšim hrajnym času jenož połšansy. Dobru składnosć dósta po krótko wuwjedźenym róžku kapitan Denny Gloxyn. Jeho pospyt z kromy šěsnatki wrotar z dobrym refleksom k róžkej wotwobara (34.) Dwě mjeńšinje pozdźišo tež Křesćan Bejmak na wrotarju zwrěšći. Hosćićel spušćeše so zwjetša na kontery a tajki wjedźeše krótko do połčasa nimale k nawjedowanju. Nisku flanku z lěweje strony pak nadběhowar pódla wrotow zaměstni.