Łužiske lodohokejowe liški –

Blue Devils Weiden 4:0 (0:0, 2:0, 2:0)

Łužiske liški witachu pjatk wječor Módre čerty z Weidena. Hokejisća z Hornjeje Pfalcy běchu z wulkim sebjewědomjom do Łužicy přichwatali, po tym zo běchu šěsć ze swojich poslednich dźesać partijow dobyli. Liški startowachu direktnje z dwójnej šansu, nawjedowanje pak njedocpěchu. Krótko po tym kasěrowachu prěnje chłostanje, kotrež bjez škody přetrachu. Bjez wulkošansy na woběmaj bokomaj dźěše do prěnjeje přestawki.

Weidenscy najprjedy dale ćišć wukonjachu, tola spěšny konter Lennarda Nielecka a Lane Scheidla přinjese w 23. min. přewrót. Kapitan Clarke Breitkreuz wuži šansu za 1:0.

Po tym bu partija wurunaniša. Hosćo swoju hru přeco zaso spěšnje natwarichu a so wrotam liškow strašnje bližachu, tola wrotar Anthony Morrone wosta suwereny. Krótko do druheje přestawki zwyši Kyle Havlena na 2:0 (37.).