To a tamne (13.07.16)
9 895 eurow měsačnje dóstawa frizer francoskeho prezidenta Françoisa Hollandea jako mzdu. Tole wozjewi francoska wotkrywanska nowina La Canard Enchaîné, złožowaca so na jeho dźěłowe zrěčenje. Rěčnica prezidentskeho palasta informaciju wobkruća a skedźbni na dołhe dźěłowe časy muža: Wón ma Hollandea wšědnje rano kaž tež do kóždeho wažneho termina frizěrować, samo kónc tydźenja. Na jězbach premiera z přenocowanjom je tohorunja stajnje pódla.
W rybarskim saku francoskeho kutera zapopadnył je so portugalski podnurjak před britiskim pobrjohom. Kaž francoska mórska prefektura zdźěli, bě podnurjak „Tridente“ na zhromadnym manewru z britiskej marinu, jako dósta so do saka kutera „Daytona“. Sak pak móžachu spěšnje wotstronić a so z łódźu skontaktować. Nichtó so njezrani. W Kielu twarjeny podnurjak je 68 metrow dołhi a wot lěta 2010 w słužbje.
Wuchowanje wotpokazane
Berlin (dpa/SN). Frakciji CDU/CSU a SPD w zwjazkowym sejmje wotpokazujetej wuchowanski program za italske banki, kotrež tča w krizy. „Prawidła za rjadowane zawrjenje abo ponowjenje marodnych bankow dyrbi italske knježerstwo dodźeržeć“, rjekny hospodarskopolitiski rěčnik unije Joachim Pfeiffer (CDU) nowinarjam. „Prawidła ranić njeby akceptabelne było.“ Zdobom wón italskemu knježerstwu wumjetuje, zo njeje ze špatneho wuslědka tak mjenowaneho stresoweho testa 2014 mjez bankami prawe konsekwency sćahnyło.
Merkel: Poměr wujasnić
Meseberg (dpa/SN). Zwjazkowa kanclerka Angela Merkel (CDU) wočakuje bórzomny rozsud Wulkeje Britaniskeje, kak chcyła swój poměr k Europskej uniji zrjadować. Tole rjekny kanclerka na přijeću diplomatiskeho korpsa w hóstnym domje zwjazkoweho knježerstwa wčera na hrodźe Meseberg. London dyrbjał nětko wotchad z EU oficialnje zdźělić. Hakle potom móhli wo nim jednać započeć. Merkel potwjerdźi, zo wostanje Wulka Britaniska Němskej přiwšěm wažny partner.
Přihotuja ewakuowanje
W Zhorjelskim wokrjesu je wčera wječor krótke, ale sylne njewjedro ...
Naćisk zludanje wokrjesow njewotwobara
Podstupim/Choćebuz (SN). Krajni radźa wokrjesow Łobjo-Halštrow, Hornje Błóta-Łužica a Sprjewja-Nysa su zludani hladajo na naćisk wo wodźacym wobrazu zarjadniskeje strukturneje reformy Braniborskeje 2019. Krajny sejm chce jutře wo naćisku rozsudźić. Swoje přeća, žadanja a pokazki pak krajni radźa w předležacym dokumenće knježerstwa paruja.
Prěni plan na dobro Serbow
Knježerstwo Kraja Braniborskeje wobšěrne naprawy schwaliło
Podstupim (SN). Braniborske krajne knježerstwo je prěni plan naprawow zestajało, z kotrymiž ma so delnjoserbska rěč w kraju zesylnić. Po tym puću zwoprawdźa knježerstwo wobzamknjenje krajneho sejma z lěta 2015. Kulturna ministerka Martina Münch (SPD) je plan tele dny w kabineće předstajiła. „Delnjoserbska rěč je žiwe kulturne herbstwo Braniborskeje. Wona přinošuje k atraktiwiće a mnohotnosći kraja a je aspekt jónkrótnosće we Łužicy. Z planom naprawow chcemy Serbow škitać a nałožowanju serbšćiny polěkować“, Münch rozłoži, „plan zarjaduje so do cyłeho rjadu naprawow knježerstwa na dobro Serbow. Tak bu lěta 2014 Serbski zakoń wobnowjeny. Loni wotměchu so prěni króć zjawne wólby Rady za serbske naležnosće Braniborskeje. Nimo toho je kraj swój přinošk k etatej Załožby za serbski lud na 3,1 milion eurow powjetšił.“
Wojacy domoj?
May za lěpši kraj
Krajej chłostać?
Wěry dla žonu bili
Choćebuz (B/SN). W domje požadarjow azyla w błótowskej wsy Halbe staj muslimskej mužej z Afghanistana křesćanku z Irana zbiłoj. Jimaj so njelubješe, zo bě muslimka křesćanskej wěrje přestupiła, rjekny rěčnica direkcije policije juh w Choćebuzu. Mužej w starobje 18 a 25 lět běštaj 47lětnej Iranjance mjezwoči biłoj a ju samo dajiłoj. Žona dyrbješe do chorownje. Zo by přichodnje wěsćiša była, budźe wona wot skućićelow rumnostnje dźělena.
Dialog z islamom wažny
To a tamne (12.07.16)
Na jězbu z balonom wokoło zemje je so ruski dyrdomdejnik Fjodor Konjuchow podał. 65lětny startowaše dźensa rano w zapadoawstralskim Northamje, 100 kilometrow sewjerowuchodnje přistawneho města Perth. Konjuchow chce rekord Američana Steva Fosseta přewinyć, kiž bě zemsku kulu lěta 2002 w běhu 13 dnjow wobkružił, a planuje cyłkownu čaru 33 000 kilometrow.
Najwjetši orchester swěta zetka so minjeny kónc tydźenja w Frankfurće nad Mohanom, hdźež je zhromadnje hudźił. Němski institut za rekordy je dokładnje 7 548 hudźbnikow zličił a tak informaciju zarjadowarja wobkrućił. Nětko chcedźa hoberski orchester do knihi „Swětowe rekordy w Němskej“ kaž tež do Guinnessoweje knihi rekordow zapisać. Dotal najwjetši orchester swěta bě lěta 2013 w awstralskim měsće Brisbane ze 7 224 hudźbnikami hrał.
