Budyšin (SN/CoR). Mjeztym zo su wonka na Budyskim Hłownym torhošću Wjacławske wiki natwarili, informowaše město Budyšin wčera w sukelnicy wo klětušim Łužiskim hudźbnym lěću, wotměwacym so wot 20. julija do 5. awgusta. Přičina bě wosebita: Po mjenje abo bóle spontanym zazběhu loni chcedźa klětu znowa we wobłuku hudźbneho festiwala chórowu akademiju zarjadować, tónraz pak porjadnje přihotowanu – a tak maja zajimcy jenož wot 1. do 31. januara chwile za projektowy chór so přizjewić.