Cyła wjes swjeći

Sulšecy. Z natočenjom piwa a wubědźowanjom wohnjowych wobornikow nad 40 lětami započnje so dźensa wjesny swjedźeń w delnich Sulšecach. Wječor pokazaja filmy z wjesneje „čapornje“. Jutře­ wot 13 hodź. steji wubě­dźowanje w třělenju jědnatkow na programje a wot 21 hodź. tak mjenowany „WiesnBeats“. Wjeršk budźe njedźelu w 16 hodź. swjedźenski program „Sulšecy news“. Wjesna rada, wohnjowa wobora a młodźina wšitkich přeprošeja.

Šula z klawnami

Mały Wjelkow. Na njewšědne dźiwa­dło­we předstajenje přeproša jutře, so­botu, Małowjelkowski prazwěrjenc. W 15 hodź. předstaji při tamnišej grilowanskej hěće Budyska dźiwadłowa skupina Bühnenvolk hru „Šula z klawnami“. Dokelž jedna so při šulerjach wo klawnow, je wučba wězo trochu hinaša hač w normalnej šuli. Tohodla su přihladowarjo wuraznje namołwjeni sobu činić, při čimž změja wjele wjesela.

Yoga a hudźba