Muzikaliske božemje lěću

Kulow. Jako hudźbne zakónčenje lěća koncertujetej skupinje Popsorben a AllReady dźensa, pjatk, w Jakubetzec wustawje w Kulowje. Wot 19 hodź. wočakuje wopytowarjow měšeńca popa, hiphopa, folka a polki. Jako wosebity hosć wustupi nimo toho skupina Wutawa. Zastup płaći 15 eurow.

Wo hribach w holi a na měsačku

Wotpočink. „Swětnišćo zetka přirodu“ rěka zarjadowanje Syće za serbšćinu a regionalnu identitu (Zari), kiž wotměje so jutře, sobotu, w 15 hodź. we Wotpočinku (Ruhethal). We wjesnym dźělu Malešec wěnujetaj so rěčny motiwator Lucian Kaulfürst a fyzikar Jan Winša zajimawostkam a kuriozitam astronomije, astrobiologije, kosmologije a mykologije (wědźe wo hribach) kaž tež překwapjacym zwiskam mjez nimi. Zarjadowanje započnje so w 15 hodź. a je zdarma přistupne.

Z technom do nazymy

Njedźelu hornjoserbsce

11:00 Łužica tutón tydźeń z přehladom powěsćow a pokiwami

11:20  Jurij Koch dźewjećdźesatnik

12:00 ožne wusyłanje

 (Krystof Rummel)

po tym zbožopřeća

delnjoserbsce

12:30 Aktualny magacin, mjez druhim ze segmentom „Literatura tyźenja k cesći Jurija Kocha“

12:45  Wubědźowanje noweje Slepjanskeje mody

13:00  Tematiske wusyłanje: „Legendy, bajki, pśiwěrki“

13:40 Nabožne wusyłanje

(Erik Bivour)

po tym zbožopřeća

Delnjoserbski gymnazij Choćebuz steji w oktobrje w fokusu telewizijneho magacina Łužyca. Na jednym boku je situacija pobrachowacych pedagogow dla nadal napjata, na druhim wšak pokazuje wuspěch na polu robotiki, zo njetrjebaja so chowancy kubłanišća wubědźowanjow na europskej runinje bojeć. Tak portretuja šulerjow 6. lětnika Milu Heinzojc a Williama Buchana, kotrajž staj so za lětuše finale World Robot Olympiad w Zagrebje kwalifikowałoj. Dalšej přinoškaj wobswětlujetej „prawe serbske žiwjenje“ we wobłuku domizniskeho a drastoweho swjedźenja w Bórkowach kaž tež w historiskim słowjanskim sydlišću Dešnjanskeho towarstwa Stary lud.

Telewizija RBB wusyła Łužycu jutře, sobotu, w 13.25 hodź. Wospjetowanje na samsnym sćelaku slěduje zajutřišim, njedźelu, w 7.30 hodź. Telewizija MDR pokaza magacin sobotu, 26. septembra, w 12 hodź. W mediatece ARD je aktualna Łužyca wot jutřišeho cyłe lěto kóždy čas přistupna.

Celina Knopec a Hana Nukec stej poskitk carsharinga testowałoj

Swójske awto słuša za mnohich ludźi cyle samozrozumliwje k wšědnemu žiwjenju. Wone steji w garaži a je kóždy čas k dispoziciji, chceš-li spěšnje nakupować, sej na termin abo hdźežkuli dojěć. Runočasnje pak je swójske jězdźidło tež z kóštami a zamołwitosću zwjazane. Zawěsćenje, dawki, reparatury, hladanje, techniske přepruwowanje (TÜV) a ćěriwo dyrbja so zapłaćić. Tola runje ludźo, kotřiž awto wšědnje njewužiwaja, so často prašeja, hač je swójske jězdźidło woprawdźe trěbne. W Budyšinje su na dwěmaj stejnišćomaj cyłkownje tři awta k dispoziciji, kiž móže kóždy po potrjebje wužiwać. Tale posłužba mjenuje so carsharing. Chcychmoj wjac wo tym wědźeć a smój sej poskitk předewzaća „teilAuto“ dokładnišo wobhladałoj.