Pokiwy (02.10.25)
Rozmołwa wo wuměłstwje
Budyšin. Budyske wuměłstwowe towarstwo přeproša dźensa, štwórtk, 19 hodź. na podijowu rozmołwu z Hanifom Lehmannom w galeriji Budissin, hdźež wón tuchwilu wuběr swojich twórbow wustaja. Ćežišćo budźe „wuměna myslow wo eksponatach“. Moderaciju změje dr. Sabine Kambach. Žónska iniciatiwa Budyšin přeproša na zhromadny wopyt zarjadowanja. We 18.15 hodź. zeńdu so pola Budyskeho žónskeho centruma na Šulerskej 10 a du wottam zhromadnje ke galeriji.
Dada w Dada-centrumje
Kamjenc. Dada-centrum w Kamjencu prezentuje wot dźensnišeho štwórtka wosebitu wustajeńcu „Ordnung? Dornung.“ Přehladka wopřijima kolaže Paula Dorna, kiž nastachu „cyle w duchu dadaizma ze zaměrom, potorhać hranicy mjez wuměłstwom a wšědnym dnjom kaž tež tworić zrozumliwe wuměłstwo za woprawdźe wšitkich ludźi“. Wernisažu, kotraž započnje so w 19 hodź., wuhotuje Dorn sam swójsku lyriku recitujo. Wustajeńca je hač do 25. januara 2026 přistupna.
Pišćelowy koncert
Łamaj sej hłójčku – płastowka (02.10.25)
Rozhłós (02.10.25)
Pjatk hornjoserbsce
11:15 Prawusyłanje słuchohry Lubiny Hajduk-Veljkovićoweje „Olja a jeje stawizna“
Njedźelu hornjoserbsce
11:00 Łužica tutón tydźeń
11:20 Insititut za sorabistiku – kak dale?
12:00 Nabožne wusyłanje
(Pětr Mróz)
po tym zbožopřeća
Njedźelu delnjoserbsce
12:30 Aktualny magacin
13:00 Tematiske wusyłanje: „K stawiznam zukowych platow“ (3.)
13:40 Nabožne wusyłanje
(Madlena Norbergowa)
po tym zbožopřeća
Namrěwstwo zwičnić?
Ćežišćo telewizijneho magacina Wuhladko w oktobrje je tak mjenowany serbski turizm: Na jednym boku njeje w tym zwisku potencial dawno wučerpany, na druhim wšak měło so znajmjeńša wotwažować, w kotrej měrje měło so kulturne herbstwo zwičnić. Nimo toho wopřijima wudaće portretaj, a to hudźbnika, komponista a wusahowaceho spěchowarja serbskeho muzikaliskeho dorosta Měrćina Weclicha kaž tež duchowneho Jana Wjeńki, kiž njeje jenož w Chrósćicach, ale tež w Rudnych horinach trajne slědy zawostajił. Dalši přinošk wěnuja Pěskowčikej, kiž chce přichodnje serbske powěsće w serbskej rěči předstajić.
Telewizija MDR pokaza Wuhladko zajutřišim, sobotu, w 12 hodź. Wospjetowanje na samsnym sćelaku slěduje póndźelu, 6. oktobra, w 6.45 hodź. Telewizija RBB wusyła magacin sobotu, 11. oktobra, w 13.40 hodź. W mediatece ARD je aktualne Wuhladko wot zajutřišeho cyłe lěto kóždy čas přistupne.
Do kina (01.10.25)
2.10. –8.10.2025
Budyski filmowy palast:
Čitajće w nowym rozhledźe (26.09.25)
„Njeměli wšitcy prawidłownje składnosć měć, so wot wuměłstwa dótknyć dać?“ W předsłowje winowcoweho wudaća zwuraznja Theresa Jacobsowa swoje mysle wo swobodnym přistupje k wuměłstwu – njewotwisnje wot wobstejnosćow a poměrow wosobow. Dale je so Justyna Michniuk ze zastupjerjomaj hibanja k hajenju słowjanskeje wěry rozmołwjała. Wozrodźenje starych ritualow, swjedźenjow a kulturnych praktikow kaž tež indiwiduelny dušiny puć wotkrywanja swójskich potrjebow hladajo na wěru su z wobstatkom nimale pozabyteje pohanskeje wěry, kotraž so dale a bóle rozwiwa.
Pokiwy (26.09.25)
Koncert w awli
Budyšin. We wobłuku rjadu Koncerty w awli wuhotujetaj fletist Andreas Richter a duwo Akkordeon Vitruosi jutře, sobotu, hudźbne popołdnjo w Budyskim Schillerowym gymnaziju. Pod hesłom „Wot baroka hač k tangej“ zaklinča twórby mjez druhim Johanna Sebastiana Bacha, Camille Saint-Saënsa a Astora Piazzole. Koncert započnje so w 17 hodź. Zastup je darmotny, pjenježne dary pak so njewotpokazuja.
Čitanje we wohroženym lěsu
Rowno. Towarstwo Wobswětowa skupina Choćebuz chce zajutřišim, njedźelu, z čitanjom wospjet na brunicy dla nadal wohroženy lěs blisko Rownoho skedźbnić. Direktnje na městnje předstaji w 14 hodź. łužiski awtor Reinhard Stöckel swój roman „Bärensommer“. Kniha portretuje „ze sensibelnym widom wobydlerjow podłu mjezy Braniborskeje a Sakskeje a powěda zdobom kafkaesknu stawiznu połnu hódančkow“. Wot 13.30 hodź. wobsteji móžnosć, sej ze shuttlom wot Slepjanskeho dwórnišća na zarjadowanišćo dojěć.
Modelotwar jako kreatiwny wućek
Rozhłós (26.09.25)
Njedźelu hornjoserbsce
11:00 Łužica tutón tydźeń, mjez druhim z powěsćemi a pokiwami
11:20 5o lět Serbska wyša šula Ralbicy
11:45 Serbska kultura w Čornym Chołmcu
12:00 Nabožne wusyłanje
(Krystof Rummel)
po tym zbožopřeća
Njedźelu delnjoserbsce
12:30 Aktualny magacin, mjez druhim z powěsćemi a kolumnu „Tak ja to wiźim“
13:00 Tematiske wusyłanje: „Z Łužycu w rozgronje – Fryco Wojto“
13:40 Nabožne wusyłanje
(Christiana Piniekowa)
po tym zbožopřeća
Do kina (24.09.25)
25.9. –1.10.2025
Budyski filmowy palast:
Das Kanu des Manitu: nj 13:00 | pj, so, nj a wu 15:00 a 18:15 | wšědnje 17:15 | štw a srj 20:15 | pó 20:00 | pj, so a wu 20:30 | pj a so 23:00 (tež D-Box) Was ist Liebe wert – Materialists: štw, pj, so a wu 20:00 Die Schlümpfe: Der grosse Kinofilm: nj 12:00 | pj, so, nj a wu 14:00 Jurassic World: Die Wiedergeburt: štw a wu 17:00 Sneak preview: pó 20:00 Lilo & Stitch: nj 12:30 | pj, so, nj a wu 14:45 Lilly und die Kängurus: nj 12:15 | pj, so, nj a wu 14:30 | pj, nj a wu 16:00 Die Gangster Gang 2: nj 12:15 | pj, so, nj a wu 14:30 | so 16:00 | štw, pó a srj 17:30 Caught Stealing: pj a so 22:45 In die Sonne schauen: pj a so 22:15 Conjuring 4: Das letzte Kapitel: wšědnje 19:45 (nimo nj) | pj a so 22:30 22 Bahnen: nj 12:45 | pj, so, nj a wu 15:00 | štw, so a wu 19:45 Tafiti – Ab durch die Wüste: nj 12:30 | pj, so, nj a wu 14:15 Ganzer halber Bruder: wšědnje 17:15 (nimo štw a wu) | štw, pó a srj 20:00 | pj, so a wu 20:15 The Long Walk – Der Todesmarsch: pj, pó a srj 19:45 | pj a so 22:45 Dangerous Animals: pj a so 22:45 One Battle After Another: wšědnje 16:45 a 19:15 (nimo nj) | pj a so 22:00 Die Schule der magischen Tiere 4: nj 12:00 (tež D-Box) | pj, so, nj a wu 14:30 (tež D-Box), 16:00 a 18:15 | wšědnje 17:00 (nimo pó, tež D-Box) | pó 16:45 (tež D-Box) a 17:45 štw a srj 18:00 Downton Abbey: Das große Finale: wšědnje 17:00 a 19:45 (nimo nj) Demon Slayer: Kimetsu No Yaiba Infinity Castle: wšědnje 16:45 | štw, pj, so, pó a wu 19:30 (tež D-Box) | srj 20:00 | pj a so 22:30 (tež OmU) A Big Bold Beautiful Journey: srj 19:45
Pokiwy (19.09.25)
Performatiwna ekspedicija
Swětłe-Šachlejce. Delnjoserbske kulturne towarstwo Studnja a wuměłstwowy kolektiw Santa Christina prezentujetej dźensa, pjatk we 18 hodź., w Swětłach-Šachlejcach (Lichterfeld-Schacksdorf) premjeru „imersiwneho pućowanja, kotrež zwjazuje sciencefiction a dokumentariske elementy k přewšo wosebitemu dźiwadłowemu dožiwjenju“.
Pod nadpismom „Maceckoma“ wočakuje wopytowarjow pod hołym njebjom „performatiwna ekspedicija na měsačk“. Započinajo při wuwoznym mosće F60 podadźa so kołowokoło Horjanskeho jězora z pomocu „binaturalneje awdijotechniki“ a monumentalneje kulisy do „paralelneho swěta, w kotrymž so mjezy mjez realitu a fikciju překročeja“. Dalšej „ekspediciji“ slědujetej jutře a zajutřišim, sobotu a njedźelu, w samsnym času. Zastup płaći stajnje 20 eurow.
Dalši koncert w dobrej jstwě
